ILS#3: His Possession With A Maid (Complete)

Chapter IX

Tryna's Pov.

Halos mapunit ang labi ko sa kakangiti sa sobrang saya at mangha nang makarating kami sa daungan ng barko. Nalula rin ako sa laki ng barko na sasakyan namin papuntang Amsterdam, nagulat nga ako nang ipasok ni Boss ang porsche nitong sasakyan sa loob ng malaking barko. Para akong isang batang tuwang-tuwa sa mga nakitang kamangha-mangha sa paningin. Natuwa pa sa akin ang mga taong nakatingin sa akin kanina habang tumalon-talon ako sa sobrang saya. Sa totoo lang, ito pa ang unang beses na nakasakay ako ng barko. Wala kayang barko sa bukirin namin sa Bukidnon. Hehehe.

"Wow!" Manghang bulalas ko nang makarating kami sa 5th floor kung saan kitang-kita ang mga nangyayari sa ibaba.

"Hey! Come here!" Biglang tawag sa akin ni Boss.

Dala nito ang maleta ko't maleta niya. Grabe! Ang gentleman naman pala ng babaero kong amo. Yes! Alam kong babaero siya, kung sino-sino ba naman kasi ang lumalapit sa kaniyang babae, eh. Yung iba ay inaaway ako minsan kapag nakita nilang magkasama kami ni Boss.

Ang sarap ngang minsan, pero dahil mabait ako, hindi ko na lang pinapatulan. Masisira lang kasi ang image ko niyan. Oh, 'di ba, may painag-image na ako ngayon. Marunong na ako mag-english uy! Tingnan niyo...

"Why? Do you want me to bukas the door so you can pasok-pasok on the inside?" Nakangiting tanong ko sabay lapit dito.

Pinangkitan naman niya ako ng mata bago ito napapailing ngunit may munting ngiti sa labi nito. Ayay! Natuwa sa english ko si Boss, ah.

"You sound's funny," naiiling na sabi nito.

"Anong funny? Ang galing kaya ng english ko. You turo-turo me, remember?" Nakangusong saad ko bago hinawakan ang mga maleta para siya na magbukas ng pinto.

Siya kaya may hawak ng card para i-scan daw sa scanner. Hindi kasi ako marunong gumamit nun. Wala yun sa bundok namin, eh. Not counted.

"Are you just gonna stand up there?" Untag ni Keen sabay hila ng mga maleta papasok.

Akmang ipapasok niya rin yung sa akin nang pigilan ko ito. Abah! Akin yun, eh!

"Saan ang kuwarto ko?" Nakalabing tanong ko.

"Inside," maikling sagot nito.

Ang sungit. Kanina pa ako hindi kinakausap nito ng maayos, eh. Mukhang galit pa rin dahil sa si Monmon ang kasama kong nanood ng sine kanina. Minsan talaga ang weird ni Boss, minsan nagagalit kapag may nakasama ang lalaki. Kunti na lang iisipin kong may gusto siya sa akin. Char! 'Di ko sure.

"Sandali, paanong nasa loob ang kuwarto ko?" Takang tanong ko.

"Tsk! Alangan namang sa labas, right?" May sarkastiko sa boses na saad nito.

Napakamot na lang ako ng batok at ngumiti sa kaniya. Mahirap na baka't magalit na naman ang tigre. Baka tuluyan na akong kainin ng buhay nito.

"Sir Keen, share ba tayo ng kuwarto?" Kapagkuwan ay tanong ko.

Malay ko ba'ng iisa lang kuwarto namin. Ang sabi ni Inay sa'kin ay bawal daw matutlog sa iisang kuwarto ang babae't lalaki kapag hindi sila mag-on, o' kaya naman ay mag-asawa.

"Why do you asked? Gusto mo ba'ng makasama ako sa iisang kuwarto?" Kaswal na balik tanong nito.

Napaisip naman ako. Tiningnan ko siya habang nag-iisip ng isasagot, siya naman ay naghihintay ng sasabihin ko.

"Hindi. Hindi naman tayo mag-asawa, eh." Anas ko at muling hinila palabas ang maleta ko pero ako yung hinila nito.