ពេលល្ងាចមេឃចាប់ផ្ដើមបាត់កម្ដៅមនុស្សម្នាក៏ចាប់ផ្ដើមដើរចេញមកខាងក្រៅដើរលេងកំសាន្តតាមតំបន់ផ្សេងនាថ្ងៃចុងសប្តាហ៍។ Jimin និង yungjae កំពុងនៅក្នុងហាងការ៉េមមួយស្ថិតក្នុងផ្សារទំនើបក្នុងទីក្រុងដោយរង់ចាំ Yoongi ដែលមានការរវល់ហើយបានប្រាប់ឲ្យពួគគេមករង់ចាំមុននៅទីនេះ។
" Appa ពេលណាទើបប៉ាៗមកដល់ទៅ ?" អាល្អិតសួរឡើងដោយដៃកំពុងកាន់ស្លាបព្រាការ៉េមញាំបណ្ដើរនិយាយបណ្ដើរ នេះពួគគេបានរង់ចាំយូរដែរហើយ Yungjae គេញុាំការ៉េមឡើងអស់ពីរកែវតែនៅមិនទាន់ឃើញលោកប៉ាគេមកទៀត Jimin ក៏ឆ្ងល់Yoongi បានប្រាប់ថាគេទៅមិនយូរទេតែពេលនេះហើយនៅតែមិនទាន់ឃើញមកទៀត...
" លោកប៉ាប្រហែលជាមិនទាន់ចប់ការងារនោះទេ yungjae ចឹងពួគយើងចេញទៅដើរលេងសិនតើល្អទេ " ដើម្បីកុំឲ្យ yungjae មានអារម្មណ៍ថាធុញទ្រាន់ជាជម្រើសល្អ Jimin គិតថាគេគួរតែនាំអាល្អិតដើរលេងមុននឹង Yoongi មកដល់
" ល្អណាស់ " Yungjae ងក់ក្បាលយល់ស្របជាមួយ appa របស់គេយ៉ាងរហ័ស។
//រាងតូចកំពុងកាន់ដៃកំលោះតូច Yungjae ដើរលេងតាមផ្សារទំនើបនិងនាំគេដើរទៅកន្លែងលេងហ្គេមផ្សេងៗ ពេលកំពុងតែដើរកាត់ហាងសម្លៀកបំពាក់ល្បីឈ្មោះមួយមុនដំបូង Jimin មិនបានចាប់អារម្មណ៍នឹងហាងនោះទេដោយគេដើរទៅមុខជាមួយ yungjae តាមធម្មតាតែដោយសារគេបានឃើញតាមកន្ទុយភ្នែករាងតូចបានចាប់អារម្មណ៍ជាមួយមនុស្សប្រុសស្រីពីរនាក់ដែលកំពុងបណ្ដើរគ្នាក្នុងហាងនោះគេក៏មានអារម្មណ៍ថាប្រហែលហាក់ដូចជាគេបានស្គាល់និងពួគគេទើប Jimin ត្រូវអាក់ដំណើរបន្តិចដោយងាកតាមមើលបុរសនិងនារីនោះ
" បានហើយ yaena បងថាពួគយើងទៅហាងផ្សេងទៅ " ឈ្មោះនេះគឺមិនខុសនោះទេ Jimin គេចាំបានច្បាស់ពីឈ្មោះរបស់នាង ។ Yaena ?ជាមនុស្សស្រីដែល Yoongi បាននាំមកជួបគេនៅថ្ងៃចុងក្រោយកាលពី5ឆ្នាំមុន មុនពេលដែលគេបែកគ្នាជាមួយ Yoongi មូលហេតុគឺដោយសារនាងគឺជាម្ដាយរបស់ yungjae នៅពេលនេះ
//Jimin តាមសម្លឹងមើលនាងរហូតគេកាន់តែច្បាស់ថាគេចាំមនុស្សមិនខុសនាងគឺជា yaena ពិតមែនតែថា...បុរសដែលនៅជាមួយនាងជាអ្នកណា ? ដោយសារគេកំពុងបែរខ្នងមកកាន់ Jimin ទើបធ្វើឲ្យរាងតូចមើលគេមិនបានច្បាស់ មើលទៅពួគគេហាក់ស្និតស្នាលគ្នានាងបានកាន់ដៃបុរសនោះជាប់ឬកពាស្និតស្នាលគ្នាដូចជាគូរស្នេហ៍
