Love you seven times
အပိုင်း (၂၂)သူမ မြေအောက်ကမ္ဘာဆီသွားတဲ့လမ်းကို အရမ်းရင်းနှီးနေပြီမို့ သူမကိုလမ်းပြမယ့် ဝိဉာဉ်စုဆောင်းသူတွေ မလိုအပ်တော့ဘူး။ ဒီလိုနဲ့ သူမတို့ ခဏအတွင်းရောက်ရှိလာခဲ့သည်။
ထိုနေရာရောက်တော့၊ ချူးခုန်း တစ္ဆေတွေထဲကတစ်ယောက်နဲ့ စကားပြောနေတာကို တွေ့လိုက်ရသည်။ သူမ သူတို့နား တိုးကပ်သွားတော့၊ သူ ပြောနေတာကို ယဲ့ယဲ့လေး ကြားလိုက်ရ၏၊ “ကျွန်တော် ရန်ဝမ်နဲ့တွေ့ဆုံပြီး အရေးကြီးကိစ္စတစ်ခုပြောစရာရှိလို့ ရန်ဝမ်ဆီ အကြောင်းကြားပေးဖို့ ခင်ဗျားကို အနှောင့်အယှက်ပေးရဦးမယ်”
သူကိုယ်တိုင်လည်း ဒီနေရာကိုရောက်ဖူးတဲ့ပုံပဲ။
ချူးခုန်းရဲ့ခန္ဓာကိုယ် တစ်ဝက်မျှရှိတဲ့တစ္ဆေဟာ ခေါင်းညိမ့်ပြလာခဲ့သည်။ သူ ထွက်သွားတော့မယ်အလုပ်မှာ သူမကို တွေ့သွား၏။ သူ့ရဲ့မည်းနက်နေတဲ့မျက်နှာကြီးဟာ ပို၍တောင် မည်းမှောင်သွားခဲ့သည်။ နောက်သို့ခြေလှမ်းအနည်းငယ်ဆုတ်ရင်း၊ သူ ဟစ်အော်ပြောတော့သည်၊ “သူတို့ နောက်တစ်ခေါက် ပြန်ရောက်လာပြီ! သူတို့ နောက်တစ်ခေါက် ပြန်ရောက်လာပြီ! သူတို့ နောက်တစ်ခေါက် အချင်းချင်းထသတ်ကြဦးမယ်!”
မြေအောက်ကမ္ဘာဟာ တိတ်ဆိတ်တဲ့နေရာတစ်ခုဖြစ်တယ်။ သူ ဟစ်အော်ပြောလိုက်တဲ့အချိန်မှာ မြေအောက်ကမ္ဘာကြီးတစ်ခုလုံး လုပ်နေတာတွေ ရပ်တန့်သွားတယ်။ အလုပ်သမားတစ္ဆေတွေနဲ့ ပြန်လည်ဝင်စားဖို့လုပ်နေကြတဲ့ဝိဉာဉ်တွေအားလုံး ပြန့်ကြဲသွားကာ လမ်းမကြီးပေါ်မှာ သူမနဲ့ ချူးခုန်းတို့ပဲ နေရခက်စွာရပ်လျက် ကျန်ရှိခဲ့သည်။ သူမ နှုတ်ခမ်းသားတွေကိုကိုက်ပြီး နဖူးပေါ်ကချွေးစေးကို တိတ်တိတ်လေး သုတ်လိုက်တယ်။ သူမရဲ့စိတ်ထဲမှာ၊ ချူးခုန်းနဲ့ သူမတို့ ဒီလိုမျိုးအတူတူရပ်နေခြင်းက သူမတို့နှစ်ဦးအတွက် တုန်လှုပ်စရာအတွေ့အကြုံပဲဖြစ်တယ်လို့ တွေးနေမိ၏… (ရန်မဖြစ်ဘဲ အတူတူရပ်နေလို့)
သူမ ထိုအကြောင်းတွေးမိသွားတဲ့အခိုက်အတန့်လေးမှာ ချူးခုန်း သူမကိုလှမ်းကြည့်လာခဲ့သည်။ သူ့ရဲ့မျက်လုံးတွေ ကြုတ်လို့သွား၏၊ ထိုမျက်လုံးတွေထဲမှာ အန္တရာယ်တွေပြည့်နှက်နေမှန်း သူမ တွေ့လိုက်ရသည်။ “ထွက်ပြေးဖို့နည်းလမ်းရှာလို့ ငါ မင်းကိုမပြောခဲ့ဘူးလား? မင်း ဘာလို့ဒီလောက်ထိ တုံးအရတာလဲ?!”
BẠN ĐANG ĐỌC
Love you seven times မြန်မာဘာသာပြန်စဆုံး
Viễn tưởngYi shi chong dong qi shi bu xiang (ယီးရှီချုံးသုန့် ချီးရှစ့်ပုရှန်) Author : Jiu Lu Fei Xiang Translator : My Novel Love you seven times ခုနှစ်ဘဝလုံး ချစ်မယ် Love you seven times စဆုံးPDFစာဖိုင်Linkပါ VIPများ Free ဝင်ဖတ်လို့ရတာမို့ Google account...