Love you seven times မြန်မာဘာသာပြန်စဆုံး

အပိုင်း (၃၁)

Love you seven times
အပိုင်း (၃၁)

သူမ၏ဟစ်အော်သံဟာ အချိန်အကြာကြီး ပဲ့တင်ထပ်လို့သွား၏။ သူမ၏မျက်နှာဟာ တစ်ချိန်လုံး ပူလောင်နေခဲ့သည်။ သူမ နောက်ပြန်လှည့်ပြီး ချူးခုန်းကို တစ်ချက်ခိုးကြည့်လိုက်တယ်။ သူလည်း သူမကို စူးစိုက်ကြည့်နေခဲ့တာ။

“အာ… တောင်းပန်ပါတယ်၊ မင်းတို့နှစ်ယောက်က ဒီလိုပတ်သက်မှန်း ငါ မသိလိုက်ဘူး”

အမျိုးသမီး၏အသံဟာ သူမတို့ကို တိုက်ရိုက်ရည်ညွှန်း၏။ ချူးခုန်း၏လည်ပင်းမှ နားရွက်တွေ တစ်လျောက်လုံး ရှက်ဖြာမှုကြီး ပြန့်နှံ့သွားခဲ့သည်။

သူမ တံတွေးမျိုချပြီး ခေါင်းကိုခါယမ်းပြလိုက်တယ်၊ သူမ ထိုအမျိုးသမီးကို ဒေါသတကြီးစိုက်ကြည့်ဖို့ အသိစိတ်လျင်မြန်စွာကပ်လာခဲ့တယ်။ “နင် ဘာတွေလျှောက်ပြောနေတာလဲ?! သူနဲ့ ကျွန်မမှာ အဲ့လိုပတ်သက်မှုမျိုး မရှိဘူး!”

ဒါပေမဲ့… ချူးခုန်းနဲ့ သူမတို့ အသုံးပြုနေတဲ့ခန္ဓာကိုယ်တွေက…

အမျိုးသမီးဟာ နုံအစွာဆက်ပြော၏။ “ဒါဆို မင်း ဘာလို့ ရှာလကာရည်တွေသောက်နေတာလဲ?”

(ရှာလကာရည်စားခြင်း= သဝန်တိုခြင်း)

ဒါ… ဒါက တကယ့်ကိုမေးခွန်းကောင်းတစ်ခုပဲ။ သူမ၏မျက်နှာ ပူလောင်သွားတော့သည်။ သူမ နားထင်တွေကိုနှိပ်ပြီး ပြောလိုက်တယ်၊ “ဘယ်သူက ရှာလကာရည်တွေသောက်နေလို့လဲ? နင်… နင် ကျီဟွေးနဲ့ လက်ထပ်ထားပြီးသားလို့ နင့်ကို သတိပေးချင်တာ၊ နင် နောက်တစ်ယောက် မရှာသင့်ဘူး၊ အမျိုးသမီးတစ်ယောက်မှာ ခင်ပွန်းသည်၂ယောက်မရှိသင့်ဘူး”

အမျိုးသမီးဟာ သူမရဲ့ဦးခေါင်းကိုသူမ ထုရိုက်တော့သည်။

“အာ၊ ခုနတုန်းက ငါ ကျီဟွေးနဲ့လက်ထပ်ထားပြီးသားဆိုတာကို မေ့သွားတယ်”

သူမ(ထိုအမျိုးသမီး) စွန့်ပစ်ခံရတဲ့အကြောင်းက သူမ အရမ်းတုံးအလို့ပဲဖြစ်ရမယ်! ဒီအခြေအနေမျိုးမှာ ရှောင်ရှန်းဇီ တစ်ခြားအဖြေကို မယုံကြည်ခဲ့ဘူး။

“အချိန်ကို အပြစ်တင်ရမယ်… အချိန်တွေအများကြီး ကြာသွားခဲ့ပြီ…”