🖤 ❤PS One Shot Collections & Poems

🚨 🖤 Bkk to Trat ❤ (D) 🚨

(A/N ရေးရင်းနဲ့ ကျွန်​တော့်ဖာသာ ဒီအပိုင်းထဲက sceneတစ်ချို့က ​ကျွန်​တော်ရေးခဲ့သမျှ Love scene​တွေထဲမှာ Adult Scene အများဆုံးပါဝင်​နေတယ်လို့ ခံစားမိလို့ 🚨​ပေးထားတာပါ။

အသုံး​အနှုန်းတွေ မရိုင်း​​အောင်​လို့ အတတ်နိုင်ဆုံး ကြိုးစားပြီး ရေး​ပေးထားပါတယ်။ ​ရေးရတာ မျက်နှာမပူဘူးလား? ​မေးရင်​တော့ ​Noteထဲဝင်​ရေးဖို့ပြင်တိုင်း ဆောင်းတွင်းကြီးကို မျက်နှာ 18​ခေါက်​လောက်​ပြေး​ပြေးသစ်ရင်း ​ရေး​ပေးထားရတဲ့အထိပါလို့။ ကျွန်​တော့် စိတ်ဆန္ဒအရဆိုရင်တော့ ဒီအပိုင်းကို အသက်18နှစ်ပြည့်ပြီးသူ​တွေမှပဲ ဖတ်​​စေချင်ပါတယ်။)

🖤🏡🌠 "ဝိုင်ကို မ​ရွေး​စေချင်ရင် ​မောင့်~ ကို နမ်း~"လို့ ကျွန်​တော်က ​ပြောလိုက်​တော့ အစ်ကို့မျက်လုံး ကြည်ကြည်ဝိုင်းဝိုင်းလေးတစ်စုံက လက်ခနဲဖြစ်သွားရင်း ​ဖော့​ဖ​ယောင်းသွယ် ကျော့ရှင်းလှပလွန်းသည့် အစ်ကို့လက်​ချောင်းက​လေး​တွေက​ ကျွန်​တော့်ပခုံးသားစိုင်​တွေကို ဆတ်ခနဲ ဖိဆုပ်ကိုင်လာကြသည်။

မျက်လွှာ​လေးအသာချပြီး နှုတ်ခမ်းဖူးဖူး​ရဲရဲလေး အနည်းငယ်ပွင့်ဟရက်​ကလေးနဲ့ ကျွန်​တော့်မျက်နှာနားကို တဖြည်းဖြည်းချင်း တိုးကပ်လာ​ရာ ကျွန်​တော့်ရင်ခုန်သံ​တွေကလည်း ထိန်းချုပ်လို့ကို မရ​တော့။

​ခေါင်း​မော့ထားရင်း မျက်လုံး​တွေကို အသာမှိတ်ချထားကာ အစ်ကို့ဆီက အနမ်းချို​တွေကို လက်ခံဖို့ အသင့်အ​နေအထားပြင်ထား​လိုက်တော့မှ အစ်ကို့နှုတ်ခမ်းဖူး​လေးက အကြင်နာ​တွေဖြန့်ကျက်ဖို့ လမ်း​​ချော်သွားဟန်တူသည်။

အစ်ကို့နှုတ်ခမ်းဖူး​လေးက ကျွန်​တော့်နှုတ်ခမ်း​ပေါ်ကိုရောက်ရှိမလာဘဲ ကျွန်​တော့်နှာ​ခေါင်းထိပ်​ပေါ်တင် ​ရောက်ရှိလာတယ်ဆိုတာကို သိလိုက်​တာနဲ့ ကျွန်​တော်လည်း မျက်လုံး​တွေကို အမြန်ဖွင့်ကြည့်လိုက်မိသည်။

ချယ်ရီပန်းပွင့်အ​​ရောင်က​လေး ယှက်သမ်း​​​ပြေးနေတဲ့ အစ်ကို့မျက်နှာ​ဖွေးဥဥကလေးကို အခုလိုအနီးကပ်မြင်​တွေ့ရတဲ့ အခိုက်အတံ့တိုင်း ကျွန်​တော့်ကမ္ဘာမှာ လည်ပတ်​နေတဲ့ အချိန်စက်ဝန်း​​​တွေ အကုန်ရပ်တန့်သွားရသလိုပါပဲ။