🖤 ❤PS One Shot Collections & Poems

Unicode >>🖤Every Moment Of You❤(B)

2023ခုနှစ် ၊ 12လပိုင်း ၊ 22ရက် ၊ ​သောကြာ​နေ့ ၊ မနက် 6နာရီခွဲအချိန် ၊ ဘန်​ကောက်မြို့။

❤🏙 အဆက်မပြတ်​အော်မြည်​နေတဲ့ နှိုးစက်သံ​ကြောင့် ညီ့ရင်ခွင်ထဲတိုးဝင်ပြီး​​တော့ အိပ်​နေမိရာက​နေ ကမန်းကတမ်း ကုန်းရုန်းထရ​တော့သည်။

မသိရင် ဘွဲ့က သူ ယူမှာလား? ကျွန်​တော်ယူမှာလားကို မသဲကွဲ​နေဘူး!

တတီတီ​အော်​ကောင်း​နေတဲ့ ဖုန်းက Alarmကို အမြန်လှမ်းပိတ်ပြီး ​ဘေးကိုတစ်ချက်လှည့်​ကြည့်လိုက်​တော့ အိပ်ပုတ်က​လေး ညီက အိပ်လို့​ကောင်း​နေဆဲပင်။

ဘွဲ့ယူသွားဖို့အတွက် စော​စောစီးစီး ထ​​မလာ​သေးတာကို မ​ပြောနဲ့! နှစ်တိုင်း အောင်စာရင်းထွက်လို့ရှိရင် ကျွန်​တော့်မှာ သူ့ကို အတင်းနှိုးပြီး ​အောင်ကြောင်းပြောခဲ့ရတာ ​အ​မောပါပဲ။

ဒီဇင်ဘာဆို​တော့ မနက်ခင်းဘက်ဆိုရင် အ​အေးဓါတ်က​လေးကလည်း ရှိ​နေတာ​ကြောင့် ​အခု ကျွန်​တော်သူ့ကို နှိုးရင်လည်း ​တော်​တော်နဲ့နှိုးလို့ရမယ်မထင်။

မနက်စာပြင်ဆင်​ပေးပြီးမှပဲ နှိုး​ပေးလိုက်​တော့မယ်လို့တွေးရင်း ကျွန်​တော်အရင် ​အိပ်ရာက​နေထလိုက်ကာ မျက်နှာသစ် ၊ သွားတိုက်​ပြေးလုပ်ရ​တော့သည်။

မျက်နှာသစ် သွားတိုက်လုပ်ပြီးတာနဲ့ ​​အောက်ထပ်ကိုဆင်းသွားလိုက်ပြီး မနက်စာပြင်ဆင်​ပေးဖို့အတွက် မီးဖို​ချောင်ထဲ ဘာရှိမလဲ? တစ်ချက်သွားကြည့်ရင်း ရှာ​ဖွေ​ရေးဆင်းရပြီ။

​ကြောင်အိမ်တံခါးတစ်ချို့ကို အသာလိုက်ဖွင့်ကြည့်တော့ ​ပေါင်မုန့်စိတ်ပြီးသားအထုပ်​တစ်ထုပ်တွေ့တာနဲ့ ​ပေါင်မုန့်ထုပ်ကိုအရင် အပြင်ထုတ်ယူထားလိုက်သည်။

​ပေါင်မုန့်​ပေါ်မှာယိုသုတ်ပြီး အဆာ​ပြေမုန့်လိုပဲစားခိုင်းလိုက်ရမလား​တွေးရင်း ယိုသုတ်ဖို့အတွက် စ​တော်ဘယ်ရီjamပုလင်းနဲ့ ​ချောကလက်အနှစ်ပုလင်းကိုပါ တစ်ခါထဲ ထုတ်ထားခဲ့လိုက်ရပြီ။

ဒီ​လောက်ဆိုရင်​တော့ အဆာ​ပြေ​လောက်ဖြစ်ဖြစ် ညီ အလွယ်စားသွားလို့ ရ​​လောက်ပါတယ်။ ကြက်ဥ​က​တော့ ပူပူ​နွေး​နွေးစားရ​အောင် သူစားချင်တယ်ဆိုမှပဲ ထကြော်​ပေးလိုက်ဖို့​ တွေးထားသည်။ ​သောက်စရာအတွက်က​တော့ Milo​တစ်ခွက် ဖျော်​တိုက်ဖို့ ​တွေးထားတယ်။