رَغمَ أنكساراتي الهائلة، مازلتُ انهضُ من جديد،
وأحاول تَدارُك أثارَ حُزني ل أُخفي مُعاناتي.."كنتُ أخفي شعوري وكأنني ألمس الجمرة في راحة يدي، ثم أدعّي أنها مكعب ثلج..لم أكن أبحث عن شخص يشبهني، لم أحتمل نفسي حتى أرغب بنسخة مماثلة مني، كنت أبحث عن شخص أجد فيه ماينقصني، شخص يسد الثقوب التي أحملها ويملأ الأجزاء الفارغة مني، شخص أرمم جدرانه وأتقمص أفكاره، أكون فيه كما هو في، شخص تتلاشى بيننا كلمتي "أنا" و "أنت".
....
كنتِ تضحكين، في أوّل لقاء لعينيّ بكِ. هكذا قمت بنحت وجهكِ في ذاكرتي. لذا أنا لم أُصدّق عبوسكِ حين جئتِ باكية، لم أُكن جدّياً في مواساتك، لأنني كنت مُنشغلاً بمسألة عصيّة، بمشهدٍ أُحاول الخروج منه، حتّى أبدو أكثر استيعاباً أمامكِ. تخيلي ذلك: أحدهم يحاول محو ضحكة من وجه حزين.
---
ترف :-بيبي هواي مشتاقين لسوالفج أحجيلنا شلون تزوجتو أنتي وجدو
فيان:-لج لا هاي السالفه حيصير خمس مرات أسمعها غيرها مثلا شلون عانيتي بتربية أولادج ونتي وحدانيه سولفيها مثل القصه
جدتهم:-تعالن أسولفلجن من البدايه ورى زواجي لحد ماتكولن كافي
ترف :-يله اليوم للصبح بس مو تغفين علينا
جدتهم :-لا حبوبه ما أغفى "أسم الجده زمرد"
سنة ١٩٦٢ تزوجت وجنت ما أنطي لروحي مجال كله عالأربعين أحبل جبت قاسم وراه مثنى وراه هاشم ووراه عمتجن نوره ربيتهم وتعبت عليهم حيل
شو ورى كم سنه تدهورت صحتي كامت تلعب نفسي الماي أذا أشربه أذبه صدك وطلعت حامل گمت اصيح وأستريح هذا الطفل ماريده جبت عمجن شهم زوجت قاسم ومرته ماقبلت تخلف تخاف من الولاده والحمل لزمها كتلها وكللها أطلكج اذا متخلفين لو اجيب على راسج ضره
صارت مثل البزونه مانطت مجال وسطرتهم خمس ولد واحد وره الثاني خلته يصيح ماريد بعد بس شنو من ولد محد يجرعهم كلش وكحين ساعة السوده الكلنالها خلفي مرته مرعبله ومتعرف تتصرف كل مايتلاغون تصيح طلگني لحد مابزع منها وطلكها "قاطعتها فيان"
فيان:-بيبي ماكلتي ليش ساكن النجف
جدتها:-تجيج السالفه حبيبتي
فيان :-يي كملي
جدتها :-زوجت مثنى وهاشم نفس اليوم وراهم بكم شهر نوره هم تزوجت وحياتهم مستقره قاسم ماكدر يبقى ويانه يشتغل بالنجف وولده يبقون يمنا يشلعون كلوبنا منكدر نسيطر عليهم واحد يريد ابوه واحد يريد يطلع واحد يغافلنا ويشرد مدري وين ماوين بطلعان الروح يله نلكاه من غير الصغير عاد أجه قاسم وشاف الوضعيه أخذهم وياه للنجف وأستقر هناك تلاغه هو ومثنى علمود الشغل وابوه الله يسلمه زمخ عليه وزعل على ابوه وتعرفن كلمة العزيز ثكيله
ترف:-ياثكيله بيبي غير جدو شامر عليه العوجيه مالته
جدتها :-ماجان لازم يزعل من ابوه واخوه ويحاول يصلح الأمور لأن الغلط من عنده المهم تصالح هو وابوه وربه ولده هو بدون ليتزوج وليحتاج مره وسواهم كل واحد يسد عين الشمس برزانته وهيبته
