#اسرار ضابط
بقلمي: زهراء الوائلي
ins: l_s3c
*******************************
رسلان:-سيف تحجي صدك تريد تروحلها لو تتشاقه
سيف:-اي والله شبيك يجوز تموت واني مشايفها
رسلان:-اسم الله شبيك خطيه
إلياس:-أنت هواي مستعطفها
رسلان:-غيررر امييي شنو من گلب عدكم
إلياس:-وحده مثلها لازم مانشفق عليها
سيف:-رسلان باجر نروحلها
رسلان:-باجر من ارجع نروحلها تعال على وكت من المحل
سيف:-اي صار خييير هييييي يحيى شبيك هيج تباوعلي
يحيى:-كرهتك
سيف:-وكرهتهم تجيبك المصلحه خويه
يحيى:-انييي اتمصلح
سيف:-اي ودائماً ،مو بــس مصلحجي لا ولوگي هم
يحيى:-ماراح أخلي عقلي بعقل واحد جاهل مثلك
إلياس :-اسكتووو راح تضلون تتناگرون من ساعة السوده العرفتكم بيها
سيف:-منــوو يمك أنت شو تكمز بالحجي وحدك
إلياس:-ملينا على كلشي تتعاركون أنماار شوكت تسافر
"أنمار صافن ولا يمه السؤال"
إلياس:-انماار ابو الشباب ويانه
أنمار:-ها وياك وياك شتريد
إلياس:-شوكت تسافر بعدين وين أخذتلك صفنه
أنمار:-أفكر بهاي الدنيا خويه السفره مالتي إسبوع الجاي
ثاني يوم الساعه ٣:٠٠م
سيف:-ثاني يوم رجعت وتحضرت وجنت كلش ملهوف على شوفة أمي اللي اضهره شي وبداخلي شي ثاني ماكو واحد بهالدنيا ميحن لامه كاعد بالصاله منتضر اخويه رسلان ينزل حتى نروح الها
سيف:-رسلاااااان چلبت فوك إنزل يمعود ترا ابطل ماروح "إجاني صوت رسلان"
رسلان:-شغلل السياره وافتح الباب على ما انزل
سيف:-أمري لله" سويت الكاله رسلان ورى شويه إجه صعد بالسياره واني بصفه حرك السياره متوجه لأهل امي .. وصلنا تلگتنا حجيه جبيره شو هيه شافتني وكامت تنعى وتبجي
سيف:-بهمس"رسلان بــس لا هــآي البومه أمي
رسلان:-لا ام أمك هــآي
سيف:-الله يساعدج حجيه
الحجيه:-هلا يمه أنت منــوو بيهم
سيف:-بزر الكعده أني
الحجيه:-اهلا وسهلا تعال كحل عيون امك بشوفتك
سيف:-دخلنا للبيت ومشيت ويه رسلان وصلنا لغرفه بابها مفتوح ومساحتها واسعه دخل رسلان واني وراه شفتها متمدده على فراش المرض وجها شاحب لونه وتعبانه مبينه مغمضه عيونها معقوله نايمه متدري بيه أجيت راح رسلان كعدها
