#اسرار ضابط
بقلمي: زهراء الوائلي
ins: l_s3c
اعز من روحي اعزك وانت اعز من روووحي
__________________
"نرجع شويه باحداث الاسبوعين الفاتن بالبارت السابق جنت مقدمه اسبوعين
ڤيان:-ثاني يوم كعد من الصبح طلع وقبل ليطلع گال ارجع الضهر حتى اخذج لبيت جدج مسوين عزيمه علمود فهد اذا متردين گولي طبعاً وافقت حتى اروح هناك خلصت سويتلي ريوك وتريگت غسلت البيت غسل اذا مو على ايدي اعيد ترتيبه ماعرف حضرت شي البسه من اروح هناك اكيد الكل موجود طبخت غدا ورحت سبحت طلعت من الحمام نشفت شعري بالشسوار ولبست ثوب عادي رجع وسام بالوحده سألته إذا متغدي لو لا گال لا صبيت الغدا تغدينا سوا هو دخل يسبح واني اسلت المواعين مال الغدا وبدلت لبست بنطرون كابوي تسعين وتيشيرت بيجي نص ردان طلع وشاف ملابسي ضيقات گال بدلي ما اخذج هيج كسرت الشر ولبست فستان مخصر من الصدر ومن جوه واسع لونه ماروني ولبست حذاء كعب اسود حددت حواجبي وخليت لمسات بسيطه كلش من المكياج بــس حتى ابرز ملامحي شعري ضفرته وخليت عطر قوي هو هم خلص تبديل وراح للسياره بقه يدك هورن اخذت جنطتي عالسريع ومشيت بسرعه امشي واسد بالگلوبات وصلت للسياره صاح بيه
وسام:-لو متأخره بعد ثواني جا عفتج ورحت
ڤيان:-طارت الدنيا خو ماطارت بعد وكت
وسام:-مو منتضريني
ڤيان:-"صعدت السياره وحرك لبيت جدي ..
.
.
حور :-اليوم عزيمة علمود فهد جدو سواها ببيته حتى الكل يعرف بيه عايش ماميت قررت اروح لهسه ممصدكه حشوفه زين من يشوفني شيسوي ماريده ينقهر لو يضوج ، الله يعوضه بوحده تنسيه حبه الي وتملي عليه الدنيا اخذنا عمو اني والبنات الضهر لبيت جدو عمتي راحت الصبح ويه بيبي خاف متگدر ومرت شهم فاهيه متدبرلها شي نزلنا يم بيت جدو واني امشي على كيفي وبثگل وصلت لغرفة بيبي نزعت العبايه الاسلاميه عدلت الحجاب مالتي وطلعت من الغرفه رحت للصاله سلمت على جدو وشفت فهد كاعد بصفه يسولفون چانو
-هلو فهد شلونك الحمدلله عالسلامه ولو متأخره
فهد يتحاشى النضر لوجهها :-هلا حور الله يسلمج
حور:-"حسيت بغصه مو طبيعيه بالگوه لزمت روحي ضعفان كلش وشكله ذبلان ابد مو فهد القديم درت وجهي وطلعت كعدت بغرفة بيبي سديت الباب ونزلن دموعي غصب حتى حرام افكر بيه هسه اني متزوجه ومالي حق بيه ابدد نفتح باب الغرفه دخلت ڤيان
ڤيان:-هلاوووو ، يا حور منــوو وياج هــآي شبيج دتبجين ليش
حور:-ڤيان مالي خلك وخري مني
ڤيان:-اسكتي مو زين تبجي يمعوده البنات يصعدن على گلبج وتختنگين
حور:-تعبت من الدنيا من الثكل من التفكير
