#اسرار ضابط
بقلمي: زهراء الوائلي
ins: l_s3c
🖇🖇🖇🖇🖇🖇
الجزء المحذوف من كلماتنا ، النظرة التي نحتفظ بها والأحلام التي لانُخبر عنها أحد ، النبرة التي نُخفيها والذكريات التي نتظاهر بنسيانها ، هي نحن في الحقيقة.
_________
يحيى "گام وگف من شافها ":-انتي شجابج هناااا
أم رسلان:-يمه سيوفي سوده عليه حبيبي
سيف:-هلا يمه
أم رسلان:-منــوو سوه بيك هيج دليني بيه
يحيى:-كعدي عيني ام دم الحامي رجلج بالگبر وتدورين هدات
أم رسلان:-هــآي احتراماتك لامك
ترف:-"من شفتها ضليت مصكوكه انسحبت بوجعي للمطبخ إلياس حيل ضاج صعد فوك وبقو يحيى وسيف يمها إجاني يحيى للمطبخ بعد ماسمعها حجي يسم البدن"
يحيى:-هسه لو باقين بالنجف هواااي هواااي أحــسن من هنا اجت اليوم تجي باجر وعگبه وراح تسوي الدرب حرثه علينا وشوفي
ترف:-يحيى صح امك ومقصره وياك احجي عليها بگلبك مو گدامها
يحيى:-مو ام هــآي مسمومه والله تنگط سم نسيتي شسوت بيج
ترف:-ميخالف راحت السالفه وولت اني ماحقدت انت ليش تحقد عليها
يحيى:-والله إنتي على نياتج متتمنالج الخير وهسه تلگيها حتى تحش براس رجلج عليج بــس رسلان ميهتم لحجي أي واحد عنده اذا جان باطل ياخذ الكلمه التفيده والمتفيده يعوفها
ترف:-اي صحيح
يحيى:-اني راح اطلع
ترف:-وين تعال لتطلع خاف يجي ابوك
يحيى:-ميحجي اذا اجه هسه يكول ابنها وتريد تشوفه ام وجه الاصفر
ترف:-يبوو الله وياك "طلع يحيى وبقت ام رسلان نص ساعه وهي كاعده ماتحركت تأنب ضميري هسه تكول عليه ماعرف الأصول سويتلها عصير ووديته إلها قدمته باوعتلي وهي رافعه حاجبها"
أم رسلان:-شنو هالزحمه
ترف:-لا رحمه خاله
أم رسلان:-مرت انمار وين اريد اشوفها
ترف:-يم اهلها
أم رسلان:-شنو ساكنه اهلها؟
ترف:-لا سقطت قبل كم يوم وعفناها يم اهلها امها تهتم بيها
