اسرار ضابط
بقلمي: زهره الوائلي
أمـن مايلـوحك بالكلب نسيان انا ساعه رمل البكلبي مايطلع
.......
فيان :-بقيت كاعده وماكدرت أنام بعد باوعت على تليفوني المكسور وجريت حسره عود من ارجع للبيت اطلع تليفوني السري بس ويه أرشد احجي كعدت ترف تباوع عليه وتفرك بعيونها
ترف:-صباح الخير شعجب كاعده
فيان:-سكتي حتى للحجي مالي خلك
ترف:-شحتسوين
فيان:-مااا ادرري مستحيل اتزوج هذا المكطم
ترف:-ابن عمي مكطم؟
فيان:-خرا عليج وعلى عمامج جاي يخطب وبس مره وحده عجوز لا ام لا خاله لا عمه معقوله عشيرتكم منقرضه
ترف:-ولي زعلت بعدين امه ميته وعايش ويه مرت ابوه وابوه
فيان:-لا هاي هيه ربحنااااا ترف اسكتي من عندي تعبانه حيل مو شلون متتوقعين
ترف:-اكول ليش متكولين لوسام ماريدك بلكي يعوفج
فيان:-لا ماريد احجي وياه ولا ألتقي بيه
ترف:-امشي خلي ننزل
فيان:-دقيقه أني ابدل وارجع لبيت أهلي
ترف:-لتروحين تتعاركين وياهم
فيان:-طبهم مرض شكد اكرههم
ترف:- متعجبيني ولا تصرفاتج حلوه تدخلين روحج بالمشاكل مو بس تأذين روحج انتي دتأذين اهلج وياج
فيان:-وداعتج النقص وعدم الثقه بالنفس هيج يسوي
ترف:-الله يباوعلج "راحت فيان وصلتها جدتي ورجعت شفت الساعه بالتسعه سويتلي ريوك وأكلت سألتني جدتي
أم قاسم:-شبيها فيان
ترف:-بيبي تسألين شبيها مو تدرين الخطوبه صارت غصب عليها
أم قاسم:-أحسن فيان كلش صايره من يوم اجه خطبها ذاك الزعطوط لهسه متخبله البنيه
ترف:-ممممم
أم قاسم:-والله اخاف تسويلها شي بروحها تمشي جنها مو ويانه لهاالدرجه كاتله روحها عليه ياريت يستاهل واحد زعطوط
ترف:-اي بيبي هو معاجبها وسام
أم قاسم:-يمه من بنات هذا الوكت
ترف:-بيبي عوفج من هاي السالفه مشتهيه المقلوبه التسويها
ام قاسم:-من عيوني اسويلجياها جنت حايره بالغدا
ترف:-وين جدو
أم قاسم:-أبو أيمن صديقه جاي من الشمال وراح يشوفه ومناك يمر عالمعارض
ترف:-يله أني اكوم انضف وانتي اكعدي
أم قاسم:-ياا ماعرف اكعد رجليه يكومن يوجعني
