اسرار ضابط
بقلمي: زهره الوائلي
ياحظ منطقتهُم ، يضوي بليلها قمرين
ـــــــــــــــــــــــــــــــــــــــــــــــــــ
شهم:- اخخخ بس لا اللبالي مسويها
وسام:-شتقصد شاك بواحد
شهم:-بعدين أفهمك بس هسه خلي نحل سالفة الكهرباء مو أنسمطنا سمط من الحر
وسام:-الكهرباء خليها على باجر ينراد ميزانيه جديده دبرو روحكم اليوم
شهم:- لا مانام إذا ما أصلحها "دخلت للبيت كلت لفهد حتى ياخذ أمي وابوي والبنات لبيت ردت أطلع ستوقفني صوت رفل
رفل:-عمو أني شفت السوه الحريق جانو ملثمين ثنين على دراجه شفتهم من باب المطبخ شمرو شي يضوي مثل الشعالات وحده شمروها عالميزانيه وثنين طفن بالهوا شامريهن عالسياره ومالحكت أكعد واحد من الولد گبت الميزانيه وضليت اصرخ
شهم:-هاهيه عرفته منو فهد اخذهم لبيت خالك هاشم رسلان تعال ويانه "طلعت بسرعه واني دمي يفور بس لو ألزمه طلعت لوسام كلتله يشغل سيارته ونطلع "
.
.
فيان:-عرفت أرشد ورى هذا الحريق دزيتله رسايل أنو ليرجع لبيتهم عمي عرف بيه هو الحرگ بيت جدو وصيته يختفي عن الأنضار لا عمي يشوفه ميبقي عايش ... اخذنا فهد لاهلي ويانه بيبي وجدو وترف أخذت ترف لغرفتي وكلتلها تنام
ترف:-هو غير اني نخلست خلسة عمري بعد شنام خاف نوب هم يرجعون هنا
فيان:-ياعيني دنامي شيرجعون
ترف :-لا إذا تردين انتي نامي اني راح ابقى كاعده
فيان"تليفوني جان بصدري ضامته ودك طلعته وباوعت عالشاشه هذا أرشد يبووو شيريد رديت عليه أشوف شيريد قفلت الباب ووكفت بعيده عن ترف أحجي وياه" ها أرشد شكوو ليش مخابر
أرشد:-فيان عمج هاجم عل أهلي ومفتش البيت
فيان:-شوف عمي خلاك براسه مراح يعوفك أبقى بعيد عن أهلك اليوم يبقى يدور عليك وأهم شي تطلع السيم كارت تكسره وتجيب واحد بمكانه يجوز يجي ياخذ تليفوني ويتتبعك من السيم كارت حسابك بعدين خوش لو لا
أرشد :-ولج احرك الدنيا كلها علمودج
فيان:-أحبك والله بس مجان لازم هيج تتهور بعد حلم ننجمع سويه وبابا كال اي واحد يتقدم بهاي الفتره وقسمه زينه ينطيني إله بدون مياخذ رأيي
أرشد :-خلي تصير صدك وساعتها أتصرف
فيان:-اوووف مثل موصيتك مو تنسى
أرشد :-لا هذا رقمي راح اكسره وانتضري اتصال من رقمي الجديد ورى أسبوع تمام
فيان:-أوك "سديت الأتصال ولتفتت لترف لكيتها صافنه عليه وتخرط بخدودها "
