#اسرار ضابط
بقلمي: زهراء الوائلي
ins: l_s3c
العشـگ والنآس والدنيا ، حلم عآبر .
ـــــــــــــــــــــــــــــــــــــــــ
يحيى:-بقينا يمه اني وابوي وإلياس لان الولد عدهم التزامات ودوام ميكدرون يبقون بالمستشفى واصدقائه يرحون ويرجعون عليه يشوفونه كعد سيف بالكوه يتنفس واجه فهد شافه
فهد:-سيف شتحس
سيف:-خشمي يوجعني
فهد:-هسه ننطيك مسكنات بــس لتحاول تتنفس من خشمك اتنفس من حلگك تمام
سيف:-اي
فهد:-الك خلگ تحجي لو لا راح يجي وسام يسألك كم سؤال
سيف:-اي اكدر ،بــس شوكت اطلع من المستشفى
فهد:-تبقى تحت المراقبه منا لباجر وعشرة ايام يله نشيل الشاش نبدله منشيله نهائي يبقى شهر ابدله كل عشرة ايام
سيف:-شوكت اكدر اتنفس من خشمي
فهد:-بــس هالكم يوم اصبر
سيف:-اي اصبر ماكو اشكال
وسام:-السلام عليكم
الكل:-وعليكم السلام
وسام:-شلونك اليوم
سيف:-تحت رحمة الله
وسام:-تتذكر من جنت نايم هالنومه بمكانك شگلتلي
سيف:-اي تمنيت اصير مثلك
وسام:-وهالصرت مثلي حتى بعد لتتمنى شر لروحك
أبو رسلان:-هو الاشترى چفن لروحه وبعده عايش شتتوقع من عنده
رسلان:مو بــس چفن حتى قطعه مال گبر اشترى من چنا بالنجف
أبو رسلان:-يجلط الصاحي بتصرفاته
وسام:-ابو رسلان من رخصتكم عادي تعوفونا اني وسيف شويه
أبو رسلان:-اي راح نطلع ننتضر بره
وسام:-تمام افتهم الصاير من عنده بعدين ابلغكم الكاله كله
أبو رسلان:-ان شاء الله خير
وسام:-"طلعو ابو رسلان وولده وفهد بقينا اني وسيف"
-سيف طگ بطگ لتضم شي متفقين
سيف:-ماكو شي ينضم من الأساس
