#اسرار ضابط
بقلمي: زهراء الوائلي
أريدُ محادَثتك طويلاً , حتى يملُ الكلام مِنا”
༺༺༺༺༺༻༻༻༻༻
حور :-سوينا السابع مال فهد وسوو بجامع والنسوان بالبيت بــس شنو البيت أنترس نسوان وهم شغل وتعب ونوم ماكو أبقى سهرانه ويه ترف متنام اخاف انام وتسوي بروحها شي عمي يمشي ويوصيني عليها بالنهار جدتي يمها وبالليل ومن غير هذا گلبي المچوه بفراگه كل ما أذكر شلون ضوجته اكره روحي واستحقرها دنيا ليل وترف نامت حضرتلي ملابس ودخلت للحمام أسبح سبحت عالسريع بدلت وطلعت لغرفة ترف مالگيتها بفراشها نزلت جوه لجدتي كالت مانزل ولا شفتها مدري شلون أجه على بالي السطح ركضت صعدت باب السطح مفتوح دخلت وشفت ترف تحاول تصعد عل السياج مال واجهة البيت بــس متلوح مشيت بأتجاهه لزمتها وعطت بيها
حور:-غبييه شدتسوين
ترف:-عوفيني اريد اشمر روحي مــآريد اعيش حياتي مابيها شي حلوو شصعدج يحضي
حور:-ترف أنتي مؤمنه بالله تصومين وتصلين وتخاف ربج ليش تضيعين هذا كله بشي واحد أرضي بالكاتبه الله الج ومتعرفين باجر شمضموم إلج
ترف:-ماعتقد اكدر اعيش طبيعياً بدون فهد
حور:-ياعيني دتعاي نزلي اعرف هسه شحاسه بــس امشي "جانت تحجي ببرود لزمت ايدها ومشيتها للبيت قفلت باب السطح واخذت مفتاحه يمي دخلتها لغرفتها وجبتلها مي تشرب ونطيتها العلاج مالتها ورى شويه نامت واني مشطت شعري قفلت باب الغرفه والمفتاح ضميته نمت والتعب يقرا ألف
.
يوم جديد ومكان جديد ..
شالت راسها من المخده مفتحه تك عين تباوع لمرت اخوها
شادن:-خيررر خيرر
سهاد:-لج داده هــآي البنيه حامل
شادن:-واني شعليه مكعدتني من الصبح كايلتلها تروح تنام ويه الزلم ؟
سهاد:-شمدريني غير تاخذ احتياطاتها
شادن:-سويتيلها تحليل منزلي
سهاد:-اييي
شادن:-المطلوب من عندي شنو
سهاد:-تسقطينه
شادن :-هيج وبكل بساطه ولج حراام عليكم والله حراام تستغلون مهنتي تخلون الكحـ.... يحبلن واني اسقط ترى هم روح دنذبها
سهاد:-كُعدي عيني أم الحرام مو متردين تشتغلين ويانه مجبوره تنفذين النطلبه منج أنتي واخوج
شادن:-لو من رجال لرجال لو اشتغل عدكم اخيط نسوان اداوي التنكتل اسقط جهال ساعة السوده التعلمت بيها
سهاد:-يله عيني كعدي من تتريكين وتخلصين حتى
اجيبلج ياها المفلوكه
شادن:-"عافتني وراحت "من امده هيج عيشه صرت اعيش على حساب غيري صارت عندي مثل الأضطرابات النفسيه أني رهف بــس يصيحولي بأسم مستعار شادن بالبيت مال اخويه اللي هو بيت فسوق وفجور وماريد احد يعرف أسمي الحقيقي من اللي يجون بــس بره لا بأسم رهف عمري ٢٦سنه اني أشتغل مساعده عند دكتوره واعرف كلشي عالحمل والولاده وكلشي بتعلق بهذا المجال اخوي سكير ويلعب اقمار كلب البيت سواه مال دعاره يجون شخصيات مهمه وهو اصلاً يشتغل تحت أمر واحد مثل سلسلة بيوت عنده ومن ضمنهم بيت اخويه خليه كامله مال دعاره لعبانه نفسي من العيشه ومقرره جاي أجمعلي كم فلس حتى أطلع أطلب لجوء لغير بلد اشرد هناك حتى ميلكوني كمت من فراشي غسلت وجهي ورحت لسهاد
