اسرار ضابط"
بقلمي: زهراء الوائلي
عيون چَن بَغداد مِن تضحك
.
...............................
ترف :-ثاني يوم طلعت من المستشفى لبيت جدو والبنات أجو يمي علاجي فهد ينطينياه بمجرد عرفت بعد مارجع لبيت عمي رتاحت نفسيتي اليوم مر ومافتهمت شي بالنهار نسوان خوالي اجن شافني بالليل بقت بس فيان وحور كاعدات بصفي ويتبسبسن
ترف:-شتحجن
حور:-ها لا منحجي شي انتي مو نايمه
ترف:-لا مغمضه عيوني شويه دايخه
فيان:-داسولفلها على فارس أحلامي
ترف:-يعني صدك عندج حبيب لو تتشاقين ويايه
فيان :-أنتي مدتصدكين كل ما اكولج بطلت سنكل تضحكين عليه
ترف:-بربج منين هذا
فيان:-واحد تعرفت عليه من كم شهر
حور:-لج ترف ماسمعتي أخر قرارات ست فيان
ترف:-وشنو هيه
فيان:-راح ابطل من المدرسه وادخل دوره مال تعليم مكياج
ترف:-وتشتغلين بصالووون؟
فيان:-ايي الحب هناك يشتغل سوالي واهس
ترف:-وأهلج يدرون باللي ترديه؟
فيان:-لهسه محاجيتلهم والدوره تفتتح بعد يومين
ترف:-يبووو ماضل عندج وقت
فيان:-اخاف ميقبلون والله اني كلش أحب المكياج والعنايه
ترف:-ادري مكياجج كلش حلو
فيان:-يعني مافلحت بالمدرسه شنو مستقبلها وضيفه والدوره هم أتقوه بيها وهم وضيفه بصالون بيها شي
ترف:-مابيها شي
حور :-والله أشوف شغلة الصالون أحسن بس خاف ابوج ميقببل لأنو صالون مختلط
فيان:-موو بس هيج قررت اتحرر وبعد مالبس حجاب
ترف:-شنوووو يمممه شنو تنزعين الحجاب
فيان:-أي اني بالغه السن القانوني وأتصرف بكيفي
ترف:-تطيحين حضج بأيدج دكولي لأبوج أنزع الحجاب وشوفي شيسوي بيج
فيان:-أني حرره
حور:-الحمدلله والشكر ربي فيان أنتي لا صلاة لا صوم بس هالحجاب لابسته على راسج بقت عليه..
فيان:-شفتي يعني ياحبيبتي أني كبل أدخل النار حاجزه مكان بصف شجرة الزقوم هناك اكعد
ترف:-عقلج متربع ببطنه مطي ثوله بدل متكولين ألتزم بصلاتي وحجابي
فيان:-سكتي نصائح عندج خليهن لروحج
ترف:-صدك كافره المهم بنات أني راح انام فدوه بدون صوت
حور :-اني هم اريد انام فيان كلبي وجهج ونامي
