اسرار ضابط
بقلمي: زهره الوائلي
ins:l_s3c
لم يكُن الامر راجعًا لأختياري، كانت الحياة تتمحور حولك وكان كل طريق أعبره يقودني إليك.
ـــــــــــــــــــــــــــــــــــــــــــــــــــــــــــــــ
ترف:-أحس باليحجون يمي بس عيوني ثكال فتحت شويه شويه شفت جدو وجدتي وخالو هاشم كاعدين ومرت خالي واكفه يم راسي وتدعي على عمامي
تذكرت شصار وكمت اصرخ "لترجعوووني جدووو لترجعني ألهم يموتوني والله ماريد أرجع تعبوني جددو فدوه أروحلك وينن خالوووو كله ماريدد زهيررر ماريده
"أجت جدتي حضنتني وتهدي بيه وتمسح على راسي صفنت ووجع راسي يروح ويرجع رفعت أيدي لراسي ملفوق سألت جدتي شبيه
أم قاسم:-هالميخاف ألله ضاربج بالنفاضه على راسج وهسه راسج مخيط
ترف:-جدو ما أرجع يمهم واذا رجعتوني أحرك روحي وابليهم
ترف:-جدو ما أرجع يمهم واذا رجعتوني أحرك روحي وابليهم
أبو قاسم:-التردينه يصير خالج ستلمهم وهسه هو وابنه بالسجن
ترف:-وين فهد ليش ما أجه
أبو قاسم:-فهد بالمستشفى عنده عمليه قبل شويه جان هنا . كم ساعه وتشوفينه گبالج
ترف:-"راح خالو ومرته وبقينا أني وجدتي وجدو أجت السستر نطتني علاج ورى فتره حسيت بنعاس غمضت عيوني وأني أسمع جدتي تسولف لجدو تكله بعد ترف مترجع لبيت عمها تبقى كاعده يمنا متشوف البنيه أله شويه ويصير عدها أنهيار عصبي وجدو يرد عليها عمامها ميقبلون وخطيبها ميقبل يطلكها ..غفيت وبعد محسيت على شي ...
جدتها:-على بختك طلكها غيابي شوف حسسوها بذل اليتم واحنا عايشين الله ميقبلها
الجد:-سلمتها لشهم شوفي هو شلون راح يحلها
جدتها:-الله كريم بله خابره شوفه شنو الوضع
الجد:-اي ثواني 'دك عليه شويه وأجاه صوته '
شهم:-الو ها حجي
الجد:-بويه شنو الأخبار يمك
شهم:-ميقبل يطلك هالمسربت
الجد:-لعد شلون البنيه كعدت منهاره وتصيح تكول بس ترجعوني أحرك روحي
شهم:-شلونها
الجد:-على الله حالتها تبجي الصخر زين هم بعدهم معاقدين عقد محكمه ليش منطلكها غيابي وأكو تقرير المستشفى دليل عالضرب المتعرضتله نبقيها يمنا واذا رادو ياخذوها بالقانون اكو دليل عالعنف مالتهم
شهم:-بعد أسهل بس خليهم اليوم يمي "نهيت الأتصال وباوعت لرسلان جان كاعد كبالي
شهم:-رسلان أريدك تداري الأب وابنه اليوم أستضافه يمنه
