#اسرار ضابط
بقلمي: زهراء الوائلي
ins: l_s3c
شگد چبیره من تحس
كلشي بحياتك
صار ضدك حتى گلبك
عافك لخاطر ظفیره .
ــــــــــــــــــــــــــــــــــــــــــــــــــ
رفل:-داسوي عشه ودخل سيف يغني شافني واجه يمي
سيف:-هلا هلا شتسوين
رفل:-شتشوف داسوي عشه
سيف:-تحتاجين مساعده اطبخ بمكانج
رفل:-لا اكعد جذب عليه واني اطبخ
سيف:-لاا شلون يصير لازم اساعدج بمكان ترف
رفل:-يله لعد سويلي زلاطه
سيف:-يميي الزلاطه مسقطها اني
رفل:-عفيه "سوه زلاطة خس ورش هواي ملح وليمون عليها "
سيف:-چنها صارت مالحه
رفل:-خربتها يعني
سيف:-اعالجها الج وليهمچ
رفل:-شلون ذبها اسوي غيرها واطلع من المطبخ چفيني شرك
سيف:-معليج لتعلميني بشغلي
رفل:-"فتح المي مال السنك وخله الزلاطه بمصفي وغسلها ورجع خله شويه ملح وليمون واجه سوه الحشو مال التمن اني اعلمه وهو ينفذ
سيف:-هاا تعاي اكلي هسه تعيبين عليه راح افتح مطعم
رفل:-شتسمي بله
سيف:-اسمي اخ بطني
رفل:-ههههههههه اذا يجيك واحد مريض وياكل من ايدك گبل يموت
سيف:-غلسي لتگولين غاسل الزلاطه ورانه شماته
رفل:-اوكي "خلصنا العشه اني وياه وحتى ساعدني بفرش السفره والنقل كعدنا ناكل وابن رسلان عد عمو يوكله وياه هذا الولد كلش راح يتعلق بعمي
.
.
.
ترف:-طلعنا يوم الجمعه المغرب من البيت تركت قاسم يم رفل ماخلتني اوديه يم بيبي ورحنا للنجف أذن المغرب واحنا بالطريق
طلعنا من بغداد وشفنا حسينيه طبگ رسلان واحنا متوضين من البيت صلينا ورجعنا للسياره طريق النجف طويل وصلنا بالتسعه خله السياره بگراج قريب عالأمام لزم ايدي ومشينا لحد حضرة الأمام يبعدنا التفتيش وبس اطلع الكاه منتضرني
دخلنا الحضره شفته يسلم عالأمام من بره اني هم سويت مثله مشينا وكعدنا بالحضره شويه وهو گام يزور كلي ابقي منتضره هنا من ارجع انتي روحي بقيت منتضرته على ماراح ورجع ربع ساعه
-ها عمري زياره مقبوله
رسلان:-تقبل اعمالج زرت وندعيتلج يله گومي تندلين لو لا
