اسرار ضابط

♡Bart 18♡

#اسرار ضابط
بقلمي: زهراء الوائلي
      ـــــــــــــــــــــــــــــــــــــــــــــــــــــــــــ

شادن:-تعرف فهد؟

شهم:-أي

شادن:-أني أجيت من طرفه ..

شهم:-الله يرحمه شنو چان عندج وياه؟

شادن:-لا لا هو عايش ونطاني عنوانك حتى أجي واگولك مخطوف وديشتغل عد بيت دعاره وهموكم بموته

شهم:-شلون سويناله تحليل DNA وطلع مطابق إله

شادن:-جبروني أبدل العينات واهدد الدكتور ديخلونه يدمن عالمخدرات وأدمن عليهن يسوي عمليات ويحقن أبر تجميل كلشي مجهزين اله غرفة عمليات وكل المستلزمات حجيتله كلشي يصير هناك والبنات اليجيبوهن ومو ‎بــس اخويه لا كومه عنده معارف مرتبطين وياه وعدهم بيوت وملاهي

"فتح عيونه على وسعهم من السمعه معقوله أكو هيج ناس روحه صارت تغلي يريد يطلع فهد من المكان البيه وبأسرع وقت ضرب الميز وحجه بعصبيه "

شهم:-ويينن چنتي هسه يله جايه تكوليين ليش ما أجيتي من زماان ..

شادن:-لتصيح هو صوجي أجيت داكولك حتى تنقذه وتنقذني وياه

شهم:-يعني عندج مصلحه لو ماتردين تطلعين روحج مناك ماتجين وتبلغين عليهم ..

شادن:-طبعاً الدنيا متمشي بدون مصالح حضرة الضابط

شهم:-وانتي تشتغلين وياهم

شادن :-للأسف نعم مراح تسجني مو لأن كلتلك على موضوع فهد وعندي أستعداد اساعدك وارسلك معلومات كامله

شهم:-رديلي رقمج وتدزيلي فيديو لفهد وهو يحجي تاريخ اليوم حتى أتأكد شمدريني يجوز انتي جايه تضحكين عليه وتبقين على تواصل وياي اريد اعرف كلشي يصير هناك واذا تكدرين توثقيت كلشي صوت وصوره..

شادن:-رديتله رقمي وكلتله ‎بــس تصيرلي فرصه أخلي فهد يصورلك الفيديو بنفسه وادزه إلك

شهم:-شنو أسمج

شادن:-أسمي رهف ‎بــس بالبيت ومعارف أخويه يعرفوني شادن بكيفك شتسجلني سجل

شهم:-رهف تمام

شادن:-أني صار لازم أروح "مديتله أيدي أسلم عليه قبل لاروح باوع لأيدي نضره مطوله يله سلم عليه ..

فتحت باب الغرفه وطلعت امشي بالممر اريد اطلع ما اعرف منين شفت واحد يمشي كدامي أجت عيني عليه يمه شكد حلو وهيبه شكله ‎هــآي شنو الهنا كلهم حلوين راح اموع ..

باوع عليه وهو عاقج حواجبه حاجيته "العفو عيني "

وسام:-نعم شتردين

شادن:-منين أطلع

وسام:-شلون دخلتي هنا اذا متندلين تطلعين وشجابج بنص الزلم ماعندج اهل