#اسرار ضابط
بقلمي: زهراء الوائلي
ins: l_s3c
انا بلياك كلبي شما يدك يبرد ❤
.................................................................
ڤيان:-كعدت بالسبعه الصبح دايخه بطني توجعني لويات تروح وترجع خابرت صديقتي كلتلها ما اكدر اليوم اجي للصالون تعبانه ..
سديت الخط وكمت وحدي بالغرفه مال بيبي طلعت لكيتهم كاعدين وعمي يريد يطلع صبحت عليهم وكعدت أكل وياهم اشو اول ماخليت اللكمه بحلكي لعبت نفسي وركضت للحمام أستفرغ
ضليت اعصر بروحي وجهي صار احمررر على ازرك احس روحي تريد تنتزع من عندي
أجت ترف دگت الباب عليه ماكدرت احجي بــس صوتي مبين واني استفرغ شويه خفيت وطلعت من الحمام تمددت بالصاله أجتني بيبي تشوف شبيه لكتني مصخنه گالت العصر اخذج للدكتور ..
ماقبلت اروح كلتلها عدنا علاج اشرب واصير زينه وصدك شربت علاج خفت الصخونه ونفجعت على الأكل متعجبه من روحي شلون الصبح استفرغ وهسه اكل جني مشايفه ..
ترف خلصت تنضيف وكعدت تخابر بالبنات تسولف وتضحك خبصتني مسويه مكالمه جماعيه القرآن يقرا وترف تحجي أحساس مثل البسمار ويدك براسي صرت عصبيه وعطت عليها لترف بصوت عالي خافت من عندي وسدته بوجه البنات
ترف:-يمه هــآي شبيج
ڤيان:-دووختينيي منا هذا يقرااا وانتي تسولفين وتكركرين
ترف:-يااا إنتي اليوم مدري شبيج مو طبيعيه
ڤيان:-لا كلشي مابيه بــس راسي ذابحني ذبح "كمت سديت التلفزيون وكعدت "
ترف:-لييشش مو ديقرا راح يأذن الضهر
ڤيان:-مو كلتلج دايخه
ترف:-روحي فوك بغرفتج كعدي اذا دايخه وتردين هدوء
ڤيان:-ترف اني مدري شبيه متوتره مخبوصه دايخه ماعرف هوسه براسي ومشتته
ترف:-تعاي خلي راسج بحضني خلي ادلكلج ياه
ڤيان:-"تمددت بحضنها وبدت تلكلي راسي طفيت وجفوني ثگلن ونمت "
ترف:-"أبد معاجبني وضع ڤيان اليوم من كعدت مو طبيعيه خفت عليها بــس لا مسحوره لأن الاعراض العدها مال واحد مو صاحي انزعجت من صوت القرآن وبيبي من كعدت الصبح كالتلنا جايتها الصبح خايفه وترجف متحلمه حلم مو زين كعدتها وكلتلها تكمل نومتها بغرفة بيبي ساعدتها حتى تكوم وديتها للغرفه نامت على الجربايه
غطيتها وطلعت أذن واجه جدو من المعمل مو دائماً يروح وره واهسه بيبي سدت الجدوره مخلصه الغدا راحو يصلون واني استغلين الفرصه ماكدر اصلي إجازه صبيت الأكل وخليته على الميز اشو جوعانه رحت شفتهم خلصو وكاعدين يسولفون
أنت تقرأ
اسرار ضابط
Literatura Femininaاسرار ضابط بقلمي: زهراء الوائلي هاي اول قصه اكتبها اتمنى تعجبكم
