#اسرار ضابط
بقلمي: زهراء الوائلي
ins: l_s3c
ـــــــــــــــــــــــــــــــــــــــــــــــــــــــــــــــ
أدري الطول هيبه
بس مو بالفراگ !
حور:-رحت للدكتوره أشوف شنو سبب بطني جبيره واني بعدني أول اشهر دخلت للدكتوره سوتلي سونار جان تكول "ماشاء الله ماشاءالله توأم ثلاثه"أجتني صاعقه مو بــس صدمه ههسه اني شلحگ اربي طلعت لعمتي فاتحه حلكي مامصدكه حتى مانتبت للدكتوره اخذت وصفة العلاج وطلعت
أم يزن:-ها شگالتلج
حور:-تلاثه
أم يزن:-شنو تلاثه أني صوجي مادخلت وياج
حور:-عمه توأم تلاثه
أم يزن"بفرحه":-ماشاءالله اللهم صلي على محمد وآل محمد الله يسهلج ويحفظ اللي ببطنج ان جانو ولد لو بنات نعمة من الله صحتهم تمام
حور:-اي تمام نبضهم طبيعي ووضعهم مستقر "طلعت تليفوني وخابرت يزن"
يزن:-هلو گلبي
حور:-ها يزن
يزن:-شگالتلج الدكتوره خو ماكو كيس ويه الطفل مثل ماتوقعنا
حور:-لا توأم ثلاثي
يزن:-لا عليج الله
حور :-والنبي
يزن:-شدعوه مو هواي؟؟ واحد كافي
حور:-شمدرنيييي
يزن:-هههههههه هلا بيهم تلاثتهم ولد بنات؟
حور:-ممبين بعد
يزن:-هاا الله كريم المهم سلامتج وسلامتهم
حور:-اي عمري
يزن:-شوكت ترجعون
حور:-نازله أخذ علاج واشوفه للدكتوره تعلمني عليه وارجع
يزن:-راح أجيج الى ماتخلصين اني واصل
حور:-اوكي يله
.
.
ترف:-أمتحنت نهاية الكورس الأول وويه الأمتحانات عقدنا أني ورسلان .. وبمناسبة العقد خوالي أتفقو نروح للمزرعه بعد ماجددوها أحساس حلووو اليوم أول يوم عطله نصف السنه بتاريخ ٢٠١٧/٢/١ ..
ساعدت ڤيان هوايه ورجعت تحجي ويه أخوها والبنات بــس أمها رافضه تحجي وياها وابوها هم ..
بدأت تشتغل بصالون نسائي فقط مو مختلط شرط خالي ترجع تشتغل بــس صالون بنات ووافقت حسيتها فرحانه بشغلها كلش ودتبدع بيه جبنالها غراضها من بيت وسام وفرغنالها غرفه فوك يم بيت جدي سويناها غرفتها
حور سوت سونار وصدمتنا كلنا طلع بيها ٣توأم وبطنها كبرانه بشكل ملحوظ حضرت الغراض راح نبقى بالمزرعه يومين مدري تلاثه الطريق طويل حتى أكل حضرنا وست ڤيان رافضه تروح متقبل تجي ويانه
