#اسرار ضابط
بقلمي: زهراء الوائلي
ins: l_s3c
حَبني ..
وشيّل كُل غربة على عُيوّني ،
حَبني وخلهِن يرجعن ..
حيلي ،
وضحكتي
وَلوني !
......................
ڤيان:-كعدت الصبح بالسته ونص سبحت وبدلت ورحت اسوي رسوك كعدت وسام ورحت اكل هو على مابدل هم عنده دوام واجه كعد گبالي ونفس الموضوع يفتحه كل مره
وسام:-اتركي الشغل هــآي الفتره
ڤيان:-لا ليش متعبانه
وسام:-كم ساعه تبقين واكفه ؟!
ڤيان:-عمري والله مرتاحه بشغلي اخذ فترات راحه مابقه واكفه
وسام:-لعد لتجين تكوليلي ضهري يوجعني
ڤيان:-تخاف عليه
وسام:-بله هذا هم سؤال طبعاً اخاف عليكم
ڤيان:-لا عليه وحدي
وسام:-بدت الغيره من هسه
ڤيان:-ادعي من الله يطلع ولد اذا طلعت بنيه وتكوم تحبها اكثر من عندي وتدللها اصير بعقلي
وسام:-يعني بربج اكو وحده تغار من جهالها
ڤيان:-اي اني احسب احسابك ماكو تفرقه بيناتنا
وسام:-اي مو راح تجيبيلج ضره شبيج بابا اعقلي
ڤيان:-الله كريم الله كريم
وسام:-اي
ڤيان:-"خلصت ريوك غسلت المواعين عالسريع ورتبت الفراش مال الغرفه البيت يوميه انضفه بالليل صارت بالسبعه ونص طلعنا اني ووسام وصلني لباب الصالون يوميه يوصلني وميروح الا يتأكد دخلت للصالون يله يخاف واحد يتعرضلي حتى بيوم العطله مالته هو يكعد من الصبح حتى يوصلني ..
.
.
رهف:-فتحت عيوني واني اشوف مغوش يبدل ويفتر بالغرفه فركت عيوني حتى يوضح النضر گمت من مكاني وطلعت من الغرفه نزلت جوه غسلت وجهي بالحمام لميت شعري وطلعت للمطبخ يم امه كاعده وابوه وفهد يتريكون صبحت عليهم وكعدت وياهم
أبو قاسم:-شلونج انشاءالله اليوم أحــسن
رهف:-الحمدلله يابه
أم قاسم:-راح تجي مرت حماج ام غيث فد شويه ترحن للسوك تجيبين الج جهاز مال عروس كامل
رهف:-ها ملابسي بالشقه موجودات عليمن جديد
أم قاسم:-لا شنو وحد من البنات
رهف:-نزل شهم كعد اكل شويه وشرب چاي قبل ليروح التفتلي موجهلي حجي
شهم:-ساعدي امي مو تعوفيها وحدها تشتغل
أم قاسم:-يا دعوفها ميصلح بعدها هستوها عاقده وحامل
رهف:-لا عادي ماما "هز ايده ومشه فهد هم طلع للمستشفى واني گمت ردت اغسل مواعين امه ماخلتني گلتلها بــس اعزلهم عزلت المواعين وهي غسلتهن عفتها تغسل ورحت اريد الملم البيت نضيف سألتها على مكان الوصله رفضت تگلي وين لحيت عليها وكلتلها امسح بالماسحه مو بايدي عجزت وكالتلي على مكانهن ..مسحت البيت وغسلت الحمامات الساعه بالتسعه مخلصه ماعدنا شي كاعدين اني والحجيه بالصاله
