اسرار ضابط

♡ الاخيرر ♡

#اسرار ضابط

بقلمي: زهراء الوائلي

ins: l_s3c

______

حيى:-شهرين الا كم يوم شفت الموت رجعت للبيت سبحت وطلعت تمددت وخليت راسي بحضن ابوي كاعد يباوع بالاخبار سيف اول ما اجه سبح ونام جابت ترف صينيه مال اكل

ترف:-يله حياوي تعال اكل شوف شضعفاتك ‎صــآيـر

يحيى:-اي جاي وين قاسم

ترف:-هسه اجيبه الك

يحيى:-يله مشتاقله "راحت جابت ابنها واجت لازمته من ايده وهو يتمشى اول ماشافني ابتسم وركض على حضني "

أبو رسلان:-يعرفك

يحيى:-لعد شلون ميعرفني غير روحي من الدنيا هو

أبو رسلان:-اي وبت انمار من تجي هم تحبوها بگده

يحيى:-الله عليك انمار راح تجي بنيه

أبو رسلان:-اي وأخيراً راح تنور بيتنا بنيه

يحيى:-يله مره لقاسم

أبو رسلان:-ها محاجي بت عمك

يحيى:-لا هو اني بحال احجي وياها

أبو رسلان:-حاچيها البنيه بالها يمك يوميه تخابرني تسأل عليك

يحيى:-اروحلها ‎بــس انام واكعد م
كلش تعبان صارلي شهرين النوم ماشايفه

أبو رسلان:-اخذ راحتك

يحيى:-"اكلت وكمت رحت لغرفتي تمددت عالفراش غمضت عيني وبأذني صوت الطلق وصوت الهتافات وصوت الصريخ ماجاي يروح من اذني غفيت وبقيت نايم يوم ونص من التعب ..

.
.

رهف:-گعدت الصبح لگيت ماما هي وديم جاي يتريگن شربت مي ولعبت نفسي من المي مالحگت اروح للحمام استفرغت بالسنگ

ديم:-رهف الله لايسامحچ مو دنتزقنب

رهف:-اسفه مالحگت اروح للحمام

أم قاسم:-مدام ريري من شوكت تتزقنبين

ديم:-ها بيبي تلزمين حلگي متقبلين اكل

أم قاسم:-هذا يارقم الريوك

ديم:-ريوك الثالث مره ويه جدو وعمو ومره ويه فهد كلي تعاي اكل مافشلته ومره وياچ

أم قاسم:-ياريت يبين چنچ عصة مطيرچي ، تعاي يمه رهف شبيچ صارلج اسبوع مو على بعضچ

رهف:-مادري يمكن ماخذه برد

أم قاسم:-بعدها الصخونه

رهف:-لا ‎بــس من انام اكعد مصخنه

أم قاسم:-خاف حامل

رهف:-يجوز

أم قاسم:-اخذج للدكتوره اليوم اشوف شنو وضعچ گلتي متأخره عليج الشهريه