#اسرار ضابط
بقلمي: زهراء الوائلي
ins: l_s3c
ـــــــــــــــــــــــــــــــــــــــــــــــــــــ
ترف:-عزمت البنات يمي بالليل حور ما أجت كالت مريضه قدمتلهن الكيكه مال ڤيان بــس قطعتها وسويت "شاميه" ونمنمات .
وكعدنا بالصاله البيت فارغ جدي وجدتي نامو وخالي مموجود يرجع متأخر باجر عطلته
أرجوان:-كايمه تخبطين كيك ،بــس عاشت ايدج
ترف:-شكراً
رفل:-بــس ينرادلها بعد شكر
ترف:-مو اني المسويتها ..
رفل:-لعد بيبي سوتها
ترف:-لا والله
أرجوان:-خدمة توصيل؟؟
ترف:-لا عيوني مو رحت لڤيان لگيتها مسويه كيكه خمطتها كلها
رفل:-صدددك شلونها
ترف:-زينه
رفل:-تقنعيني ڤيان عايشه بدون مغامره؟
ترف:-يعني بــس مو مثل قبل
إرجوان:-ماصدك
ترف:-لتصدگين
إرجوان:-والله يعني هـيه چانت باليوم اذا متتلاغه ويه وحده من عدنا متنام بالليل ولا يهدالها بال شلون هسه تكعد عاقله صدك لگت صگارها
ترف:-تغيرت مو مثل قبل أحسها إنسانه ثانيه مادري لأن تشتاق النا هيج اشوف لمعه بعيونها من اروحلها
رفل :-هنيالج ترحيلها
ترف:-ها مو چنتي كل ماجيب طاريها تتنرفزين أنتي وذيج الثوله
رفل:-بــس بالنهاية هيه أختي
ديم:-تووته تليفونج يدق
ترف:-"مديت طولي لتليفوني شفته إتصال من رسلان طلعت من الصاله لاگاني خالي
شهم:-اليوم هنا ان شاءالله
ترف:-أي خالو محتاج شي
شهم:-لا عيني اخذي راحتج
ترف:-"تركته واكف يم الباب يحجي ويه البنات واني ركضت الدرج ورحت لغرفتي أنتهت المكالمه ويه ماوصلت لغرفتي رجعت خابرته "
رسلان:-وين چنتي ليش تتأخرين بالرد
ترف:-على ماصعدت الدرج ودخلت لغرفتي إنتهى
رسلان:-شلونج
ترف:-الحمدلله إنت شلونك
رسلان:-من سمعت صوتج صرت زين
ترف:-ليش شبيك شو ما أحسك بخير
رسلان:-أمي حالتها الصحيه مو تمام
ترف:-يااا ليش سلامتها
رسلان:-هيه مريضة لوكيميا بالدم دائماً صحتها تتدهور ويبدلون دمها
