#اسرار ضابط
بقلمي: زهراء الوائلي
ins: l_s3c
وأنت شعجب صدكت
جدمك بوكت الزعل ضل محد يسبقه
بالحب اكو قاعد لاتبقى يعني ابقى...،
.........................
وسام:-طلعت الصبح للمستشفى البارحه مارحتله دخلت المستشفى وبوجهي لغرفته لگيت يمه الدكتور .."السلام عليكم"
فهد&الدكتور:-وعليكم السلام
وسام:-ها دكتور بشر
الدكتور:-النوبات الحمدلله بدت تخف كل ٤٥ساعه مره تجي والأيام القادمه أفضل تبدي تخف شويه شويه أبداً ماجنت متوقع هيج الابر الي جان ياخذهن نوع قوي جداً
وسام:-يا الله يله فهد ساعدنا حتى تتشافى بسرعه دكتور ترى أكله قليل
الدكتور:-لا سجلتله مقويات يبدي ياخذهن بما أنو جسمه بدا يحارب الأدمان وشبه التعود على فقدان المخدرات ودكتور فهد ديساعد نفسه فوك طاقته
وسام:-شوكت يكدر يطلع
الدكتور:-هسه احنا حنراقبه شهر ونشوف أكو تباعد يصير بين النوبات لو لا إذا صار كل اسبوع مره تكدر تسيطر على وضعه
وسام:-بهالسرعه اني اعرف ناس بقو سنين يتعالجون
الدكتور:-طبعاً هذول اللي يتأخرون بعلاج الأدمان يكونون مده طويله غركانين بالمخدرات مو شغله شهور فهد بــس خمس شهور متعاطي مده مو كثيره
وسام:-يعني شهر ونكدر نطلعه
الدكتور:-بلي شهر تحت المراقبه بعده نشوف هو يكدر يسيطر على روحه وكت النوبه لحد ماتكوم تجي وجع راس خفيف ويروح ورى دقايق
وسام:-الله كريم مشكور دكتور
الدكتور:-ولوو واجبي
وسام:-طلع الدكتور خابرت شهم حتى يجي أكله بحجي الدكتور
شهم:-ها وسام
وسام:-أنت وين
شهم:-رايح لفهد اكو شي
وسام:-أني يمه بطريقك جيبلنا غدا وتعال بشاره
شهم:-شنو البشاره بلكي تنفه عني شويه
وسام:-الدكتور كال شهر وتستقر حالة فهد يكدر يسيطر على روحه
شهم:-يعني يطلع من المستشفى
وسام:-ان شاءالله
شهم:-شويه واني يمكم
.
.
.
سيف:-يحيى گوم شوف منــوو بالباب
يحيى:-مو أشتغل عدك اني
سيف:-مطي اسمع كلمتي
يحيى:-قسماً بذات الله إذا حجيت وياي بهاي الطريقه أكوم أعلگك بالبنكه هسه يطلع الفلاح محد يطول بدكه الباب غيره يحجي ويتفل تلعب نفسي منه
