#اسرار ضابط
بقلمي: زهراء الوائلي
يحدّق بها بغرابة وكأن نظراته تريد سرقتها .
________
ترف:-نتضرت فيان ربع ساعه وما اجت خابرت على امها كالت ابوها ماقبل تجيكم يله اني هم عندي دراسه المدرسه الاروحلها مانطونا عطله لأن المدرسين همه اللي ديراجعولنا علمود الأمتحانات تقويه هم شي مفاهمينه يشرحو أكثر من مره ومرتين بحيث درخت المواد درخ وهسه بقه وقت للأمتحانات تقريباً اسبوع الحمدلله مسيطره على كلشي ساعدت جدتي بالعشا نتعشه بــس اني وياها وجدو الباقين طالعين خالي مرات يرجع تعبان من دوامه ومتأخر فينام بالشقه مالته ومن الصبح يجي وفهد بالمستشفى يرجع متأخر اذا عنده شغل هواي ورسلان صار أكثر شي ببيتهم ميجي هوايه يمنا بعد ما نتقلو لبغداد
ترف:-بيبي
ام قاسم:-ها عيني
ترف:-هم بيوم من الايام حبج لجدي نقص
ام قاسم:-لا ولحد هــآي اللحضه احبه وحبنا يتجدد مايعتگ
ترف:-أتمنى اصير مثلج دتشوفين أقلدج بهوايه شغلات
أم قاسم:-نفس سوالف امج عمت عيني
ترف:-الله يرحمها تدرين أحسها مرتاحه لأن اني يمج
ام قاسم:-ان شاء الله تكون مرتاحه
ترف:-يله روحي كعدي خلي اجيب الصينيه واجي
ام قاسم:-خلي مي وياج
ترف:-اوكي "شلت الصينيه وخليتها كدامهم"
ابو قاسم:-عاشت ايدج
ام قاسم:-وايدي؟
ابو قاسم:-يابه عاشت ايدج زمرد
ترف:-ههههههههه شكد حلو اسم زمرد من حلكك "
بديت أكل واني اباوع عليهم شلون بيبي توكل بجدو شكد حلوين صدك حبهم عضيم ربي يطول بعمرهم ولا يحرمني منهم خلصت قبلهم ورحت للمطبخ سويت جاي ولميت المواعين الزايده غسلتهن اجتي جدتي شايله الصينيه أخذتها منها وصبيت جاي الهم وكلتلها توديه لجدو وتكعد أني اكمل الباقي. غسلت المواعين ومسحت المطبخ خليتلي عود بخور وبعدني داضلم بيه سمعت صوت دكة الباب كلش قويه مثل واحد هاجم طلعت من المطبخ لاكاني جدو
أبو قاسم :-شكو ياستار منـو اجه
ترف:-باوعت من الكامره ثنين زلم كل شويه وداكين الباب طلع جدو وسمعت صوت صياح بيبي لبست عبايتها وطلعت وراه تخاف واني بقيت اكل بروحي اكل اخاف اطلع اشوف منــوو رجعت بيبي وسألتها شكوو
ام قاسم:-جيبيلي تليفوني بسرعه هذا عمج وابنه هادين علينا
ترف:-جبتلها تليفونها خابرت على خالي قاسم وكالتله يجي بسرعه هو اقرب واحد على بيتنا جدو اسمعه يصيح عليهم ويكوللهم تقارير المستشفى عدنا وكلشي مكتوب نرفع عليكم قضيه وابن عمي جنه مخبل يحجي وياه دافع جدو ودخل للبيت اني من شفته رحت ختلت وره جدتي
