اسرار ضابط
بقلمي: زهراء الوائلي
ins: l_s3c
؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞؞
جان كاعد بمكتبه يباوع بملفات ومعلومات طالبها وصلته أجاه أتصال من اخوه قاسم فتح خط وأجاه صوته مفزوع يصيح
قاسم:-شهم تعال الحك فهد نكتل
شهم:-قاسم شتحجي يعنيي ميتت
قاسم:-اي ولك كاتلينه خلاص تعال خويه حتى ريكي ناشف ماكدر أحجي
شهم:-رسلان جان كاعد كبالي كمت من الكرسي واني اكله فهد مات امشي شغل السياره اجيب وسام واجي . رحت واني مثل المو بوعيي دخلت لمكتب وسام
وسام:-شبيك
شهم:-امشي بسرعه فهد مكتول وماعرف شنو السبب
وسام:-تضحك عليه انت قبل ساعه جنت احجي وياه
شهم:-مااا ادرري هسه خابرونيي "طلعت من المركز والطريق صار شطوله اريد اوصل ماكو وصلنا واني الطريق كله راسي يريد ينفجر نزلت من السياره شفت الجوارين ملتمه ركضت دفرت الباب واشوف ترف متمدده بالطرمه وامي كاعده تدك وتطلم على راسها وصريخ نسوان اخوتي وگواني ٤ بالكاع واخوتي يبجون لزمت مثنى من جتفه وهزيته
شهم:-احجييي شلون صار كل هذاا وين جنتوو شنو بالكوانيي لتكول فهددد
مثنى حجه والغصه مبينه على صوته:-اي خويه فهد مكطعينه وجايبينه
اجه وسام ممصدك السمعه فتح الگواني ونصدم من الشافه مامقتنع وممصدك أنو هذا فهد نفسه صديق طفولته وبمثابة أخو الي ينصحه ويسنده بكلشي خابر أنطه خبر للواء وأجو ورى ربع ساعه طوقو المنطقه أخذو الجثه للطب العدلي حتى يتحققون منها راحو خوال فهد ورسلان وغيث البقين بقو بالبيت
شهم:-الكامرات مشتغلاات
أبو قاسم:-اي اني ما احركهن
راح يركض للكامرات رجعو بالوقت هو ووسام لحد الساعه بالعشره وبقى منتضر يباوع أجت سياره بدون رقم شمرت الگواني بالكاع دكوا الجرس والباب وسام بيده الماوس ركعه بالشاشه بقوه
وسام:-بدوون رقمم منكدرر نلكاهم يكدرون يبتعدون شويه ويشكلون الرقم
كام يصيح ويكفر طلع من بيت ابو قاسم صعد سيارته وراح للطب العدلي وهو بحالة هستريا فضيعه دخل للمستشفى سألهم على الحاله شوفهم هويته وكالوله عالدكتور اللي مستلمه راح لغرفة الدكتور حتى يستفسرمن عنده مالكاه بغرفته ضل يفتر بالممر على نار شاف الدكتور دخل غرفته راح وراه دك الباب ودخل
الدكتور:-أهلاً
وسام:-دكتور جابولكم حاله شاب مكتول ومگطعين جسمه
الدكتور:-اي والله لهسه مصدوم من المنضر هستوني رجعت من عنده
وسام:-أني أكون ابن عمه واريد اعرف تكدر تنطي تقدير للوقت النكتل بيه
