#اسرار ضابط
بقلمي: زهراء الوائلي
ins: l_s3c
چا هَيچ اليَحب يَتجازة بِـ الشَوغات؟
ـــــــــــــــــــــــــــــــــــــــــــــــــــــــــــــــ
وسام:-الو شهم تعال انت ورسلان الي فوراً
شهم:-جايين "سديت الخط وكلت لرسلان رحت قبله وهو اجه ورايه دخلت لوسام صــآيـر اعصاب يفتر بالغرفه"
وسام:-هسه خابروني مكافحة الارهاب طفل مخطوف وبنفس الشارع المراقبينه
شهم:-هــآي العصابه تلعب علينا ومستغفلتنا لو المخليهم عالمراقبه ثولان
وسام:-مباقي عليهم داراقب بنفسي الشارع بدايته ونهايته كامرات ماشفت واحد طالع وماخذله طفل مشكوك بامره الخاطف يبين مو بيوم التم اختطاف الطفل وتحديداً الساعات اللي انطوني ياها اهله ماكوو
رسلان:-ننزل تفتيش للمنطقه ونخليهم يفتشون بيت بيت هذا يعني نفسهم ونفس الشارع
شهم:-وسام اربط الكامرات بجهازي انت يجوز مامنتبه ارواح عالم هــآي
وسام:-راح اسكت واربطهن بجهازك ،بــس باوع صدك العصابه من نفس الشارع
شهم:-اي افتهمت
قائد :-ها سيدي طلبتني
وسام:-اي انطي بلاغ لمكافحة الارهاب كللهم ورى صلاة الضهر نروح للمنطقه وشوف ردهم
قائد:-حاضر
شهم:-"رحنا للمكان المطلوب وفتشنا الشارع مالگينا شي كثفت المراقبه ورجعت للبيت تعبان وراسي يريد ينفجر منا مشكلة يحيى نمت العصر وكعدتني رهف ورى ساعتين الدنيا مغرب "
رهف:-عمري شلون صار راسك بعده يوجعك ؟؟
شهم:-شويه أحــسن عالعلاج
رهف:-ليش هيج متعب روحك
شهم:-رهف حيره وضيم يحيى وحده ينرادله خلك كولي ارجوان تقبل لو لا
رهف:-اكيد ترفض ماكو بنيه تقبل بهيج زواج أكول شنو وين بقه هيج نماذج
شهم:-ماعرف بالليل اروح لبيت قاسم واشوف شنو ماشنو
رهف:-ريح بالك ليصير بيك شي من گد متفكر
شهم:-اي انشاءالله
.
.
ترف:-كاعده بالليل اجاني يحيى كعد گبالي يهز برجله
-شبيك ترى دخت لتهز رجلك اتنرفز
يحيى:-عندج رقم أرجوان
ترف:-اي ليش؟
يحيى:-بروح امج خابريها ونطيني احجي وياها
