#اسرار ضابط
بقلمي: زهراء الوائلي
ins: l_s3c
يا اعز روحي من اعزك وانه اعز منك عليك
________
إرجوان:-نعم منــوو تحچي لو اسده واحضرك
ياسر:-مو بكيفج
إرجوان:-انت منــوو بلا زحمه هالصوت اول مره اسمعه ترى اخي غلطان بالرقم
ياسر:-لا مو غلطان إنتي إرجوان مثنى
إرجوان:-اي عززه منين تعرف اسمييي
ياسر:-اني واحد متعذب بيج صار فتره لمحتج طالعه من الجامعه لو تخربطت احوالي گمت يوميه اوكف يم باب الجامعه اكحل عيني بشوفتج لحد ماتختفين
إرجوان:-رقمي منين جبته والمطلوب شنو
ياسر:-اريد اتواصل وياج حتى لو صديق
إرجوان:-لا أسفه ماگدر اني بنت ناس وعائله واهلي عدهم ثقه بيه ومنطيني حريه ماكدر اصادقك روح شوفلك وحده أحــسن من عندي
ياسر:-تمام لتحجين وياي ومسحي رقمي بــس نطيني معرف الانستا ك متابع لمنشوراتج
إرجوان:-ومنو گلك اني عندي برامج
ياسر:-ماكو بنيه ماعدها برامج تتسلى بيهن وتقضي وقت واذا ماتنطيني حساب من حساباتج ، بكيفج بعد بقت يمج وكل ماتحضرين رقم اجيج برقم ثاني صدكي مامل اني صارلي فتره متعذب
إرجوان:-تمام انطيك معرف الانستا
ياسر:-مو كلتي ماعندي
إرجوان:-امشي ولي لعد يله ماعندي
ياسر:-مو انتي جذبتي يله عادي بعدج متعرفيني
إرجوان:-ليش هواي واثق من نفسك انو اني راح ارتبط بيك شيل الموضوع من بالك
ياسر:-لان من حقي شكد ما أوصفلج حبي واعجابي بيج منصدگين
إرجوان:-عزيزي الاعجاب مؤقت فتره ويزول
ياسر:-يبوووووي على عشيرتك ياسر صرت عزيزها افيششش
إرجوان:-"نطيته معرف الانستا وسديت الخط وحضرت رقمه يله عادي الانستا هاملته بالسنه حسنه انشر ستوري لو منشور مجرد بــس اباوع بالبيجات واقضي وقت واطلع حتى مراسله ماراسل
اجاني إشعار من الانستا دخلت لگيته متابعني اسمه ياسر ومن خلال المنشورات مالاته يبين انو عنده محل ملابس شكله حلو بــس ولا مره شايفته يم جامعتي
شكيت بالموضوع مال هذا الولد منو انطاه رقمي وشلون وصله واني حتى صديقاتي مو كلهن عدهن رقمي اكثر شي عائلي لو وحده من صديقاتي منطيته الرقم ويجوز اصلاً هذا دربه يلعب عالبنات الاحسن اشوفه حيرجع يترددلي اني اللي اشويه اصده واذا مافاد وياه انطي علم لاخواني لو لعمو شهم اخلي ياخذ رقمه ويطلع اصله دنيتنا مابيها امان ابد خاصتاً من الداشوفه كدامي .. سديت التليفون ونزلت من غرفتي لگيت غيث ومصطفى كاعدين يلعبون دومنه ويه بابا وامي تباوع على قناة طبخ
