اسرار ضابط
بقلمي: زهراء الوائلي
ins: l_s3c
بكل نرجسيه عراقيه : ترا الريشه البراسك من طرف جنحي
,ـــــــــــــــــــــــــــــــــــــــــــــــــــــــــــــــ
وسام:-ابوي توفه
ڤيان:-يااا البقيه بحياتك "گام غسل مشيت وراه"
وسام:-هذا نزار خابرني كال ابوي مات لاكينه بفراشه مرته تكعده لاحس ولانفس
ڤيان:-وبعده بالبيت
وسام:-اي منتضريني يله رايح قفلي وراي البيبان متفتحينه لطير الطاير
ڤيان:-اوك "طلع واني قفلت وراه البيبان غسلت المواعين ورحت لغرفتي ابني نايم بسته بخده وطلعت حتى اخابر بيبي اكوللها "
أم قاسم:-ياااا انا لله وإنا اليه راجعون الله يرحمه
ڤيان:-بيبي عزه دتبجين منين تعرفين الرجال
أم قاسم:-خطيه ،هسه وسام شحاله ولك شهم ابو وسام توفه
ڤيان:-بيبي هوه وسام معترف بابو ،"أجاني صوت عمي"
شهم:-ڤيان شوكت مات
ڤيان:-قبل دقايق خابرو وسام وراح
"سد الخط من عندي واني نمت وكعدت ورى ساعه على صوت عراق يبچي ، بقيت طول اليوم وحدي بالليل ردت انام خابرني "
وسام:-ها ڤيان شلونج
ڤيان:-حبيبي تمام الحمدلله
وسام:-هستونا رجعنا من الدفن
ڤيان:-ليش هيج متأخرين
وسام:-مو ودينا للمستشفى واجرائات ويه صلاة الضهر طلعنا للنجف
ڤيان:-حترجع لو لا
وسام:-لا ماكدر ارجع من تخلص الفاتحه يله
ڤيان:-هاا يعني اني ما اجي
وسام:-كرايب ناهده وابوي مكروهين خليچ شعندج جايه
ڤيان:-ميصير وسام لازم اروح هم يكولون چنته ما اجت اسجل حضور وارجع
وسام:-اي باجر خابري خالتي تجي يم عراق وشوفي ترف شوكت تروح ، اريد اروح تعبان كلش خابرت اشوف شخبارج قبل لانام
ڤيان:-اوك اخابر ترف واتفق وياها واخلي خالتك تجي يم عراق
وسام:-تصبحين على خير
ڤيان:-وانت من اهل الخير "سديت الخط من عنده خابرت ترف حاجيتها كالت باجر اروح الصبح كلتلها مريلي
رحت ماتأخرت ساعه ورجعت للبيت لگيت ابني نايم وبصفه خاله نايمه ، بدلت ودخلت للمطبخ لگيتها طابخه الغدا حتى زلاطه مسويه كعدت يمهم بالصاله لحد ماصارت بـ١٢ الساعه گعدتها وحضرت الغدا وكعدنا ناكل
