#اسرار ضابط
بقلمي: زهراء الوائلي
ins: l_s3c
يگول : من يوم شفتچ گمت أحبها لعيني
_______
يحيى:-كاعد بأمان الله ورى منتصف الليل بره بالبرد ويمي الولد يلعبون ورق أونو اني كاعد على صفحه ماحب هــآي اللعبه وفاتح الصفحه مال المحل ارد عالطلبات حتى اول ما اوصل بــس نجهز اني وسيف إجتني رساله لحسابي الثاني طلعت من الحساب التجاري ودخلت شفت الرساله قريت الاسم ارجوان الرساله محتواها "شدتسوي عندي حجي وياك" رديت عليها
يحيى💬:-شنو الحجي العندج بله
إرجوان💬:-ليش گرصتني
يحيى:-لأن گبرتيني شترديني اسويلج
إرجوان:-اي ايدي صارت زركه وتوجعني هذا مو موضوعي الرئيسي
يحيى:-بدون لف ودوران احجي العندج لتضلين تمسلتين
إرجوان:-ماكو شي باي
يحيى:-لا تعاي احجي العندج
إرجوان:-مو مال كتابه
يحيى:-مهم ؟
إرجوان:-كلش مهم
يحيى:-بيش ساعه تنامين
إرجوان:-من انعس انام مو سوه
يحيى:-زين بعدين اخابرج تجين واحجيلي العندج
إرجوان :-تمام "مسحت المحادثه وسديت التليفون تمددت بحضن ديم واباوع عليهن وهنه يسولفن على مصايب ڤيان والمسويته بدون لا اشاركهن بالحديث غفيت لأن كاعده الصبح ومنايمه الضهر فزيت بعدين لكيت روحي نايمه بفراش ومتغطيه دورت تليفوني واخذته متصل كوومه وداز ومراسلني كاتبلي "تجين لو اروح انام مو خبصتيني قبل شويه وينج" قبل نص ساعه محاجيني وهسه الساعه بالثنتين دزيتله گاعد ؟ اسفه نمت شويه وهسه كعدت " شاف الرساله ورد عليه بنفس الدقيقه كلي گاعد راح انزل انتضرج يم المخزن محد يوصله رديت گلتله يامخزن ماندله رد عليه المخزن ورى البيت بنهاية المزرعه
" أخذت الشال معلك والتراك مالتي مستور نزلت الكل نايم البيت فارغ طلعت بره ورحت لورى المزرعه لكيت المخزن منفصل عن البيت هو هذا المخزن مدري عبالي غرفة للفلاح يستراح بيها .. فتحت الباب ودخلت لگيته كاعد على كرسي اول مادخلت رفع عيونه شافني كام من الكرسي وگال"
يحيى:-احجي ست إرجوان شعندج شنو هالموضوع القلقتيني علموده
إرجوان :-بدون مقدمات راح احجي اكو واحد ديراسلني ويخابر وباليني بلوه اني اكدر اروح اكول لاخواني بــس يسحبون تليفوني ويجوز يسوونها سالفه لان جربتهم مره المهم بعد مارجت لصفحته بالفيس وگمت ادور وراه لگيته صديقك انت وسيف ومبين صديق كلش مقرب من خلال الصور الناشرها بصفحته وسيف اذا اكله ما اضمن يبقى ساكت لان مثل المنهوله الحجي يطوف عنده
