اسرار ضابط

♡ تكمله البارت الاخير ♡

اسرار ضابط
بقلمي:- زهراء الوائلي

آنت متـنُراد بـسّ گلش أريـدك

ــــــــــــــــــــــــــــــــ

بعد مرور كم شهر

رفل بنتها سمتها دنيا ورهف اجاها ولد ثاني وجابت بضروف كلش صعبه الوباء دخل للعراق انصاب يزن بالوباء ونقله لابوه وامه ابوه حالته كلش صارت صعبه امه صار بيها وتشافت ومرته وبناته هم ‎بــس ابوه بقى

يزن:-شفت حالة ابوي كلش صعبه اخذنا لمستشفى خاصه بالعزل ‎مــآريد اذكر اسمها كل مريض عالحايط فوك راسه يكتبون اسمه ‎بــس من يتوفى ويجيبون واحد مكانه ميغيرون يبقى اسم المتوفي موجود ويستخدمونه للمريض الكاعد وتعاركت وياهم بسبب هذا الشي يله غيرو اسم ابوي من اطلع من الردهه واضل اصيح يجون وواحد يذبها عاللاخ يتعاجزون من المرضى

اضافتاً للأوكسجين المركزي يوميه الصبح يگطعونه عالمرضى اشوف ابوي يختنگ گدامي وماگدر اسوي شي اكللهم الاوكسجين انكطع يكولون خلل ادري الخلل يوميه بثمانيه الصبح يصير الولد يجوني ببدلات وقايه عمي شهم ماقصر يوميه بالليل يمر يشوفنا رغم هذا الشي خطر عليه
صارت بيه حاله نفسيه بسبب الموت الشفته گدامي ابوي ورى ٢١يوم گدر يبتعد عن الأوكسجين ويتنفس طبيعي ‎بــس بصعوبه ومره باليوم ياخذ الأوكسجين بقه جسمه تعبان وعضامه توجعه اتواصل ويه امي وخواتي وعمامي وادزلهم اخبارنا اول بأول وصلني خبر انو وسام زوج ڤيان ماخذ مسحه وصاير بيه فايروس هو وڤيان ‎بــس ماخذينها بحيلهم واصلاً جانو ياخذون فيتامينات خلصنا من الأزمه على خير وتقريباً العائله كلها صار بيها ‎بــس الاعراض تختلف حتى جدي صارت بيه هو وبيبي ‎بــس ملامسين فقدو حاسة الشم والتذوق ارتفاع بدرجات الحراره وتعب ‎بــس الخنكه والرئه مصار بيها شي لأن فهد ينطيهم علاج وقايه وتقويه للمناعه من قبل لا ينصابون ...
———

* ترف ورسلان حياتهم مستمره بنفس التفاهم إرجوان ويحيى حبهم يكبر يوم عن يوم وماكو احلى منهم سيف وإلياس ومصطفى وأمير بعدهم لهسه سناگل رويده حامل اول شهر ڤيان ووسام على نفس المشاكل يتعاركون ويتصالحون فهد وديم لسه مصار عدهم شي لأن ديم جاي تدرس تقريباً الكل عاش بسعاده لأن اخذو عبره من الماضي العاشوه ....

.
.

نصيحة منقوله

اربط مشاعرك بعقلك حبك، اعجابك، وحتى تعلقك بفد شخص ، الحياة هي مجرد محطات متعددة ويومية تغير محطة وبكل محطة اكو قطار وهالقطار بيه اشخاص تتعرف عليهم تتعلق بيهم تحبهم بس تذكر بالنهاية حتنزل من هالقطار والاشخاص حيتغيرون ف لتخلي ببالك فكرة الديمومة بحياة مؤقتة، كل شي مؤقت وكلشي اله نهاية ويوم يختفي بيه ف امشي ورا حكمة عقلك مو ورا حماقة مشاعر قلبك علمود شي مو دايم.

وصلنا لنهاية القصة اتمنى تكونون استمتعتوا بيها واستفاديتوا من اخطائهم وتجاربهم وصار لازم نودعهم ونتمنالهم السعاده وراحه البال وتبقى المحبه بيناتهم

(تحياتي الكم)❤