#اسرار ضابط
بقلمي: زهراء الوائلي
ins: l_s3c
غشيتني بكلمه دفو طلعت احضانك بارده
ـــــــــــــــــــــــــــــــــــــــــــــــــــــــــــــــ
ڤيان:-من وصلت وفتحلي الباب جدو دخلت للبيت لكيت بيبي كاعده تمشط لديم
أم قاسم:-هلا
ديم :-شبيه وجهج يلطم
ڤيان:-تعاركنا اني ووسام وضربني واني كلتله بغد مابقه دقيقه وياك وهو صدك وطردني
أم قاسم:-يا صدك والله انتم شمالكم بــس تتناگرون
ڤيان:-هو ميتحمل حجايه من عندي
ديم:-انتي اللي متتحملين حچايه مخبله الرجال مطلعتله گرون الله يعينه لو اني بمكانه والله اطلكج من زمان وافتك من شرج ياشريره
ڤيان:-ديم والله مالي خلگ لتضلين تعلقين من يمچ
شهم:-هلو هلو ڤيان شعجب جايه
ڤيان:-عمو تعاركت اني ووسام دفعني عالميز شوف گصتي شلون مورمه وتردوني اسكت
شهم:-لازم اكو سبب
ڤيان:-متعرفه يعني من حجايه يتنرفز
شهم:-ڤيان اذا اخابره وطلع غير شي وكتها الحجي يختلف
ڤيان:-ها مو ناشره صورتي وفيديوات الي امكيج بيهن وهو كلي مسحيهن واني ماقبلت امسحهن وتعاركنا
شهم:-هنا الحچي لعد حقه
أم قاسم:-امسحي صورج واستري نفسج فوك مامخليج تطلعين سفردحي حتى حجاب مافارض عليج خاف تزعلين
شهم:-خليج يمنه فتره وبعدين تفاهمو هسه الحديده حاميه ووسام ميقتنع اذا احاجيه
ڤيان:-اي
شهم:-طلعت بره البيت ورحت لوسام اشوفه شبيه رحت لبيته دكيت الباب ورى شويه فتحه الي
-السلام عليكم
وسام:-هلا تعال تفضل اعرف عليمن جاي
شهم:-لا اجيت اشوفك ترى ارجع
وسام:-لترجع
شهم:-دخلت للبيت وكعدتا بالصاله
وسام:-چاي ماي ببسي شربت جكاير نركيله
