Waiting for you in a city (MM translation)

Chapter 16

မီးသတ်အရာရှိ အများအပြားဆေးရုံရောက်ရှိလာကြပြီးတော့ ကူးစက်ရောဂါဌာနသို့ မှတ်ပုံတင်၍ အရေးပေါ်ဆေးဝါးစစ်ဆေးရန်သွားရောက်ကြသည်။  ခြောက်ပတ်အကြာ ရလဒ်ထွက်သည့်ကာလ မကျော်လွန်မချင်း သီးခြားအခြေအနေများကိုဆုံးဖြတ်ချက်ချနိုင်မည်မဟုတ်ပါ။

တစ်ချို့သည် ၎င်းတို့၏ခန္ဓာကိုယ်တွင် အရေပြားဒဏ်ရာများမရှိသဖြင့် ရောဂါပိုးကူးစက်ခံရသည်ဟု သံသယရှိခြင်းမှ ကင်းရှင်းသည်။  တစ်ချို့သည် ၎င်းတို့၏လက်တွင် ပွန်းပဲ့ခြင်း သို့မဟုတ် ချွန်ထက်တာတခုခုနှင့်ခိုက်မိခံခဲ့ရ၏။  အထူးသဖြင့် သူ့လက်ဖမိုးပေါ်မှာ ပြတ်ရှဒဏ်ရာရခဲ့တဲ့ ကျန်းရိကကျူးလွန်သူကို ကယ်ထုတ်ဖို့ ကူညီပေးခဲ့ပါတယ်။

ဒဏ်ရာရသူထံတွင် AIDSကဲ့သို့ကူးစက်ရောဂါ ရှိနေလိမ့်မယ်လို့ မည်သူမျှမထင်ခဲ့ကြပါ။

ယခုလိုအခြေအနေကြောင့် အဖွဲ့သားအားလုံးမှာ စိတ်ဓာတ်အနည်းငယ်ကျသွားကြသည် ။  စိတ်ဆင်းရဲပြီး စိတ်ဓာတ်ကျတဲ့ အငွေ့အသက်က လူတိုင်းကို လွှမ်းခြုံထားပါတယ်။

ယောက်ျားလေးတစ်စုမှာ ဆေးရုံစင်္ကြံရှိ ကုလားထိုင်များပေါ်တွင် ငုတ်တုတ်ထိုင်လျက် ခြေထောက်များပက်လန်ရင်း ခေါင်းကို နံရံကို မှီကာ ကောင်းကင်ကို မော့ကြည့်နေကြသည်။

စုန့်ယန့် က လမ်းလျှောက်လာရင်း တစ်ယောက်ချင်းစီရဲ့ ခေါင်းကို အလှည့်ကျ ပွတ်သပ်လိုက်ပြီးတော့အားပေးသည် "ဘာမှမဖြစ်ဘူး"

ကျန်းရိကအဆုံးတွင်ထိုင်နေလျက်ရှိကာ စုန့်ယန့် သူ့ဆီသို့လျှောက်သွားကာ နံရံကိုမှီနေသည့်ပခုံးကို လက်ဖြင့်ပုတ်ပြီး "အတိအကျမသိရသေးဘူးကွာ.. မကူးစက်နိုင်တာလည်းဖြစ်နိုင်ပါတယ်"

လီမုန့်ကလည်း "အရမ်းစိတ်ဖိစီးမနေပါနဲ့... ခြောက်ပတ်ကြာရင် လူတိုင်းစစ်ဆေးပြီးသွားရင် အားလုံးအဆင်ပြေသွားမှာပါ"

ဒီလို နှစ်သိမ့်မှုမျိုးက အားနည်းပါတယ်။

ယန်းချီက ဒေါသတကြီးနဲ့ငြီးတွားသည် "ငါကအဆင်ပြေတယ် ဒါပေမယ့် ကျန်းရိ—သူကူးစက်သွားရင် ဘယ်လိုလုပ်မလဲ...ဒီရောဂါက ကုလို့မရဘူး"