လမ်းမီးတိုင်သည် အဝါဖျော့ဖျော့နှင့် နှင်းပွင့်လေးများကပေါ့ပါးစွာ ကခုန်နေကြသည်။
ရွှီချင့် က စုန့်ယန့် ကိုကြည့်လိုက်ရင်း "အိမ်ထဲဝင်ထိုင်ဦးမလား?" သူမက ငြင်းမှာကို ကြောက်နေပုံရပြီး "နင်ဘာမှမစားရသေးဘူးလေ၊ ထမင်းသွားစားပြီးမှအိမ်ပြန်ပါ့လား" ဟု ထပ်လောင်းပြောသည်။
စုန့်ယန့် ရုတ်တရက် ရယ်ဖို့ကောင်းတာတခုတွေ့သွားပြီး "ဟင်းချက်တက်လို့လား?"
ရွှီချင့်: "...."
စုန့်ယန့် က "အိမ်မှာဟင်းချက်ဖို့အမယ်တွေရှိလား...... ဆေးရုံကပေးတဲ့ဆန်ကလွဲလို့?"
ဒီအချိန်မှာ ရွှီချင့် က မြန်မြန်ဆန်ဆန်တုံ့ပြန်ပြီး သူမခန္ဓာကိုယ်ကိုလှည့်ပြီး လမ်းထောင့်ကို ညွှန်ပြတယ် "အဲဒီမှာ စူပါမားကတ်တစ်ခုရှိတယ်၊ တော်တော်ကြီးတယ် ၊ အားလုံးရှိတယ်။"
စုန့်ယန့် : "......"
"အခုဝယ်လိုက်ရအောင်" ရွှီချင့် က အကြံပြုသည်။
စုန့်ယန့် က "သွားမယ်"
မကြာခင် ခရစ္စမတ်ရောက်တော့မယ်ဆိုတော့ စူပါမားကတ်ရှေ့မှာ ရောင်စုံမီးတွေပါတဲ့ ခရစ္စမတ်သစ်ပင်ကြီးတစ်ပင်ရှိနေသည်။
စုန့်ယန့် က စူပါမားကတ်အတွင်းမှ ဈေးဝယ်လှည်းကိုသွားယူလိုက်တယ် ။ ထို့နောက်မီးဘေးလုံခြုံရေးကို စစ်ဆေးရန်အတွက်မျက်နှာကျက်ကို မော့ကြည့်လိုက်ကာ အနီးဆုံးအရေးပေါ်ထွက်ပေါက်ကို ကြည့်သည်။
ရွှီချင့် က အဲဒါကို သတိထားမိပြီး "နင့်မှာ တော်တော်ပြင်းထန်တဲ့ လုပ်ငန်းခွင်ရောဂါရှိနေတာပဲ"
စုန့်ယန့် က "မင်းကရော?"
"အမ်?"
"မင်းရဲ့လုပ်ငန်းခွင်ရောဂါ?"
"ငါကသန့်ရှင်းမှုကိုနည်းနည်းတော့ စွဲလမ်းနေတယ်"
"မင်းရဲ့စွဲလမ်းမှုကြောင့်ပဲ တိုက်ခန်းမှာသပ်သပ်ရပ်ရပ်ဖြစ်နေအောင်လို့ဘာပစ္စည်းမှ မထည့်ထားတာလား"
"......"
ရွှီချင့် က "ငါကလက်ဆေးရတာ ကြိုက်တယ်၊ တစ်ခါတလေ ခံစားရတာ......" သူသည် အသားနှင့်လတ်ဆတ်သော ပင်လယ်စာ စင်ကို ကြည့်ရင်း "ဒီသားသတ်သမားရဲ့ အရည်အချင်းက သိပ်မကောင်းဘူး"
KAMU SEDANG MEMBACA
Waiting for you in a city (MM translation)
RomansaTitle: Waiting for you in a city (一座城,在等你) Author: Jiu Yue Xi (玖月晞) General: drama, romance Total 68 chapters Main Character: Song yan စုန့်ယန့်宋焰, Xu qin ရွှီချင့်许沁 /(孟沁)မုန့်ချင့် မာနကြီးတဲ့မီးသတ်အရာရှိလေးစုန့်ယန့် နဲ့ အေးစက်စက်နိုင်တဲ့ဆရာဝန်မ...