ذي قار الساعه الثالثه ضهراً
ايام ديسمبر البرد القارص
جنت نايمه بفراشي وحسيت بحراره وكتمه اسمع أصوات ناس تصيح وصوت حريق وخرت الغطه من راسي وانرعبت من المشهد نار بكل مكان ودخان قوي ما اشوف شي
اختنكت وضليت اصيح بأعلى صوتي
ساعدووووني
اسمعهم يحجون
_وين مها وينن
_بالدوام مو هناا
_متأكد
_اي، وحتى إذا موجوده جان طلعت وسمعنا صوتها
فقدت الأمل احد يجيني وتشاهدت سرعان ما غمضت عيني حسيت بأحد كسر الباب ولفني بجرجف وشالني بعدها فقدت
بعد فتره من الحادثه فتحت عيني لكيت نفسي بغرفه ومتمدده على سرير اباوع على كل جهه من الغرفه واحاول اعيد الذاكره واصحصح شفت زوجت عمي كاعده يمي وتقره قرءان
مصدومه من الصار وما جاي اصدك عبالي بحلم بس شلون اني تشاهدت ومتت معقوله رجعت للحياة ومنو الي طلعني
حاولت استوعب الي صار
__حجيت بصوت يرجف :عمه
_ام شاهين:هاا يروح عمتج، الحمدلله من كعدتي خوفتينه يمه
_شنو الي صار شلون طلعت من الحريق
ام شاهين : يمه صار طبك بالكهرباء عبن خليتي صوبه مشتغله يم البرده واحتركت الصاله،بس ﻼا تخافين مو كله تضرر
_اني شلون طلعت منها سمعتهم كالو مها بالدوام ومحد اجاني حتى تشاهدت
_ ام شاهين :يمه اسم الله عليج عمرج طويل ﻼا تبجين الحمدلله ابن عمج شاهين مخابره ابو الخط وكايله انتظرت بنتكم وما اجت ورحت حت ما يتعاركون وياه نفس هذاك اليوم ومن اجه شاف النار دخل للبيت وطلعاج
_مها :مصدومه من كل الي صار وبقيت صافنه وعمتي تحجي وتصبر بيه بس دموعي تجري
ايدي لافينها انتبه لنفسي مغيرين ملابسي فزيت
_عمه منو مغير ملابسي
ام شاهين_ انا غيرتهن لاتخافين ماخليت واحد يشوفج
_عيب عمه ليش
ام شاهين_ضلت تضحك بنيتي انتي اكو وحده تستحي من امها
_دنكت بيأس وخجل والخوف ماجاي يبتعد عني
_عمه ليش جايبيني بغغرفة شاهين
ام شاهين :ادري بيج ما ترتاحين بغرفة البنوات ولا جوه لان الولد طابه طالعه وانتي تستحين
_عيب منه يريد يرتاح بغرفه طلعيني غير غرفه
ام سيف :غير زوجج
_عمه مو زوجي بس خطوبه مامتزوجين
ام سيف :بنيتي انتو عاقدين شيخ ومحكمه زوجج بالشرع وبالقانون
_ما حجيت شي دنكت وبقيت ساكته
_صارلي شكد نايمه
ام شاهين _ يمه من الظهر وهسه ساعه ١٠ بليل
ارتاحي هسه اصيحلج نويره تجيبلج اكل
_ اني اكوم مابيه شي
ام شاهين :ﻼا يمه كعدي ﻼا تكومين اذا تردين هذا حمام يمج واني هسه اصيح نويره واجيج
ولا تستحين ابن عمج ما يجي هسه وباجر يغبش للدوام
أنت تقرأ
غضب الشاهين
Любовные романыتحكم عليهم العادات والتقاليد لتحطم أحلامهم شاهين :يتزوج بنت عمه بالاتفاق معها ليحصل على حبيبته، سيكون زواجهم بالاجبار والاتفاق دون علم احد، كيف يجبرها على الموافقه منه؟ هل سينتهي هذا الاتفاق؟ وهل سيحصل شاهين على حبيبته؟ للحكاية بقية ♥️🤌
