مساء الخير بنات
حبيباتي عندي ظروف هواي
عندي دراسه وقسمي صعب ويرادله تعب وعندي شغل البيت هم لازم اساعد امي وافرغ من وقتي وعندي مراجعات عند الدكتور
يعني تخيلو اطلع ب٧ الصبح للدوام ارجع ب٣ العصر يا دوب اصلي واتغده وانام شويه اكعد وي المغرب هم اصلي ولازم اسوي عشه وانظف ماالحك أقره
والبارتات أكثر شي اكتبهن بالدوام من يصيرلي فراغ بين محاظره وثانيه
اتمنى تعذروني حبيبات قلبي🫣🤍❤️
.................................................................
اسماء
طلعت مها كلش حلوه رشاقتها وطولها يجذب النظر احسها مختلفه عن كل العرايس خاصه هي وشاهين حيل لايكين على بعض
سمر واختها وحتى خالتي مدري شبيهم حيل قلدن على مها بحيث طلعنها تلعب النفس اي وحده يكعدون يمها يبقن يحجن عليها بس ابد ما انطيناها مجال انا والبنات وين ما تروح تحجي عليها نروح يمهن ونجذبهن ونمدح بيها كدام النسوان
نور:خاله شنو سالفه نضل نفتر وراج انتي وبناتج تحجن ع البنيه وماكو
سمر:تره ما كايلين الا الحق هي شنو ما شفتيها انعم الله على ام الصالون سوتها حلوه
اسماء:والله تتخبل مهاوي هم طول وجمال ونداره
ولاء:اي والله حقجن ما معاشراتها
نورس:بس شاهين احلى منها
منار:حبيبتي اصلا كلش لايكين على بعض وانتن شدعوه ضايجات منها
اسماء؛
اتلاطشن بالحجي منار وسمر
منار ما تقبل احد يحجي على اختها وهاي سمر كاتلتها الغيره لان دكت ولطمت على شاهين ومحد خطبها
اجت عمتي جرت منار وراحت وولاء خذت نور وهم راحت نسوان كلها ضلت تباوع علينا فضحنا وهاي خالتي تزيد الطين بله
سمر:عمي شدعوه هالمها شمسويتلكم محد يرضه عليها
اسماء:كلشي ما مسويه هي بنيه حبابه وفقيره
ضلت تدرم ومرديت عليها انتبهت تلفوني دك باوعت رقم
شفت نهايته هذا رقم مهيمن بس ما حافظته للجهاز غلست ما ردت انكطع ورجع اتصل مره ثانيه
سمر:ماتردين منو هذا
اسماء:رقم مااريد اجاوب
سمر:انطيني اني تجاوب مكانج
اسماء:لا شكراً عوفي
مدت ايدها تريد تجر التلفون مني
خزرتها ووخرت عنها
شكد حُشريه ولا تبطل سوالفها تدخل بكلشي وفضوليه بشكل مو طبيعي
رحت لغرفتي كلتلهن رايحه ابدل دزلي مسجات
مهيمن✉️اللوو
✉️ليش ما تردين
اسماء✉️هاا
مهيمن✉️من ليمتها اتصل واراسل ليش ما تجاوبين
اسماء✉️جنت جوه وبنات يمي ماكدرت اجاوبك
مهيمن✉️وهسه وين
اسماء✉️بغرفتي
مهيمن✉️تمام اتصلي عندي موضوع وياج
اسماء؛ بساع رحت سديت الباب واتصلت
أنت تقرأ
غضب الشاهين
Romanceتحكم عليهم العادات والتقاليد لتحطم أحلامهم شاهين :يتزوج بنت عمه بالاتفاق معها ليحصل على حبيبته، سيكون زواجهم بالاجبار والاتفاق دون علم احد، كيف يجبرها على الموافقه منه؟ هل سينتهي هذا الاتفاق؟ وهل سيحصل شاهين على حبيبته؟ للحكاية بقية ♥️🤌
