"أنكـسر خاطري"
مها
_تمنيت أمي موجوده تحجي شي
موقف صعب احس انكسر خاطري
ضجت حيل دمعه بطرف عيني مااكدر انزلها
بقيت مبتسمه وكوه احجي مااتذكر شنو حجيت
بقن يسولفن بيناتهن
اجن نسوان هواي دخلت للصاله
كمت غيرت مكاني كعدت الزاويه وحديللحظه بلشت الملايه تنعي
" يوم العليله عليها السلام "
...................
ینوگ الشایله کل هلي واولیاي
مــن تمشین خل مسراچ بهداي
خلف الظعن بس لایصعد اعیاي
ومن شوفت هلي تنحرم عیناي
..........
راح اگعد واتاني بعتبة الدار
وبره على السواني ليل وانهار
بلچي یمر عليّ طارش بلاخبار
ویگلي على اهلي شصار ما صار
..........هنا ما تحملت بعد فوك كسرت خاطري ووحدي تذكرت اهلي وشلون بعيدين عني
ابوي مريض اخواني مو يمي امي المقهورهغشيت وجهي وبقيت ابجي ابجي بقهر وحسره وغصه بلعومي بجيت من خاطري ابجي واشهك شعور ما اتمنى لعدوي
خلصت نعي وبقت تقره قصائد للطم وخرو النسوان الغشاء عن وجهم الي هي العبايه واني مستمره ابجي
وخرت العباة عن عيوني
شفت بنات يباوعولي رجعتها وبقيت ابجي قوي محد يسمعني لان صوت الملايه قويهدئت شوي وسكتت خلصت الملايه
كمت غسلت وجهي وأريد اروح للبيت
اجتني منار بقت صافنه بوجهيمنار:مهاوي شنو هاي ....... مهاااا
جاوبتها وكوه احجي الغصه ما جاي تروح من بلعومي:غير قرايه وجاي ابجي
منار:بس مو هيجي كتلتي نفسچ
مها:ليش ترديني اضحك مثلاً
منار :مها شبيج.... تمام ميخالف تعالي عمتي تصيحج
مها:انا رايحه للبيت لان تعبانه واذا سألنج كليلهن هيج
ما انتظرت منها جواب خليت وطلعت
بألف يا علي سمعت اسماء تصيحني سويت نفسي ما اسمعها وطلعتتعديت بيتهم وصلت للحديقه وصلت لشجرتي الي كضيت اغلب وقتي بيها كعدت ع مرجاحه
أنت تقرأ
غضب الشاهين
Romanceتحكم عليهم العادات والتقاليد لتحطم أحلامهم شاهين :يتزوج بنت عمه بالاتفاق معها ليحصل على حبيبته، سيكون زواجهم بالاجبار والاتفاق دون علم احد، كيف يجبرها على الموافقه منه؟ هل سينتهي هذا الاتفاق؟ وهل سيحصل شاهين على حبيبته؟ للحكاية بقية ♥️🤌