غضب الشاهين

Part 29

هلااو عمري هاي ساعه ب١:١٥ صباحاً واني جاي اكتب الكم كله علمود لا تزعلون بارت طويل 2000 كلمه تستاهلون احبكم 😩🤏❤️
.................................................................

-لا تُشبهني بأحد أنا اشبه اليَقين
أنا اليسار إن ڪانَ العالم يمين.
.

.

...............................................................
مها؛
جاي نجهز ومخبوصين علمود عقد اسماء ومهيمن انا مره بيت أهلي ومره بيت عيالي خلصنا كلشي وحددوا بعد يومين العقد كلهن مشتريات ملابس العقد وحتى العرس بقيت بس اني جنت ملتهيه بالامتحانات اجتني امي

ام مهيمن :يمه راح نروح نتسوك تروحين تجيبيلج فستان

مها:شوكت هسه

ام مهيمن :اي يمه هلراح ايمن يطلع السياره ونروح

مها :اوكفي اشوف شاهين

اتصلت عليه بساع رد

شاهين :ها مها

مها:اكلك امي راح تروح لبسوك هي وايمن اريد اروح وياهم

شاهين :شعندج رايحه

مها:اريد اشتري فستان للعقد واذا لحكت للعرس هم بس اني بقيت ما مشتريه

شاهين:خلي من اجي اخذج

مها:لا تعب نفسك اني اريد اروح وي امي

شاهين :كتلج لا، لا تلحين

مها:ياا لييش

شاهين :عندي شغلي باي وديري بالج تكسرين كلمتي

مها؛
سداه بوجهي وراح بقيت صافنه هذا شبي ليش ما يقبل عشتوو عايش دور الزوج الغيور مدري شيسمونه شدعوه عليه
نزلت لأمي

ام مهيمن :ها منتظرين يله طلعي..

مها:لا يمه ماروح

ام مهيمن :هاا ليش

مها :مو شاهين ما حصلته

ام مهيمن :اي يمه ميخالف قابل مايخليج امشي وياي وهاي عمتج راضيه

مها:ها لا يمه لازم اكله مايقبل

ضاجت امي وراحت جانت تريد تاخذني لان اني وحيده من دون بنات ما جهزت نفسي حت ردت اروح صالون بس اذا ابقه وره شاهين مااحصل شي ابد

راحت امي اسماء وولاء راحن يحجزن صالون هم ماخذه كرار
نور بيت عمي علي وعمتي وره ما احت امي طلعت لواجب الولد وعمي محد بالبيت بقيت وحدي

حسيت بخنكه وضوجه فجأه مدري شبيه رحت للغرفه بدلت لبست شي خفيف فتحت شعري وخليت حمره وشوي كحل علمود تتعدل نفسيتي تعطرت فتحت تلفوني شغلت غنيه شوي وطفيتها ما كملتها كل هذا وبعدني مخنوكه

رحت تمددت بدون سابق إنذار وبدون سبب بقيت ابجي ماعرف شنو بيه

شوي رفعت راسي نزيت من مكاني بحيث رجعت لوره واني اشوف  شاهين واكف بوجهي وصافن
من شفته زددت بجي