مساؤؤؤؤ بناااات
تعذروني نت كان مقطوع وملتهيه بالدوام
وهسه اشتركت ع الخط
تحياتي ومودتي لكم.
الكاتبه فاطمه الجبوري.
_جمره الجبوري 🥹✋✨
_____________________
وديت السما تراضيک
بعد شتريد اوديلک ؟
🫶❤️
______________
مها؛
كعدت الصبح جسمي متكسر وحيل تعبانه لكيت امي ومنار فارشات جوه ونايمات يمي كمت كوه اجر بنفسي جر غسلت ردت اسبح بس ما كدرت باوعت لوجهي بالمرايه خاف شوي الورم بس صايره شلون الكدمات الحمر رجعت للغرفه لكيت امي جاي تشيل بفراشها واكعد بمنار
مها:صباح الخير
ام مهيمن :صباح النور يمه شلون صرتي
مها:مادري ان شاء الله احسن
رحت لفراشي رجعت تمددت
ام مهيمن :لا ترجعين تنامين راح اسويلج ريوك حتى تاخذين علاجج
طلعت امي لكيت تلفوني على ميز يمي لكيت اسماء مراسلتني
اسماء✉️شلونج مها
✉️الحمدلله على سلامتج
✉️إذا كعدتي راسليني عندي موضوع وياج
رديت عليها
مها✉️هلا بيج
بساع ردت عليه عبالك منتظرتني
اسماء:منو يمج
مها :محد ليش
اسماء:شوفي عليج الله اريد اوصيج خاف يسألج مهيمن اني كتله زلكت بالحمام فدوه لا تجذبيني
بقيت صافنه هسه هاي شكللها اخوها ضربني تريدني اجذب على اخوي
ولو هو اني بارحه جذبت وكلت طحت
ما ديت عليها رجعت راسلت
اسماء :الو مهاا ردي اي لو لا
مها:تماام، بس حتى لو جذبت ترن مهيمن ما تمر عليه وراح يعرف بس يجوز يغلس حتى لاتصير مشاكل
اسماء :بكيفج بعد
اجت امي كالتلي يله نزلي تريكي
نزلت وياها ومنار تنبل وماترضه تكعد
اجه ابوي واخواني يتريكون يمنا يجيبون ويخلون كدامي بالاكل
ابو مهيمن:شلون صرتي بابا
مها:الحمدلله زينه
ابو مهيمن:اكلي بويه اكلي موزينلج
مها:ايي بابا جاي اكل
مهيمن:شلون طحتي وجهج هيج صار بي
توترت حيل لازم اسكت َما احجي الحقيقه مو علمود شاهين علمود ابوي وامي واخواني محد راح يسكت وراح تصير مشاكل بين العائلتين وخاف تتأزم الأمور ويكبر الخلاف
مها:بالحمام زلكت طحت على وجهي
احجي وانا مدنكه رفعت راسي شفته مضيق عينه حسيته ما مصدك هو مو حسيت هو ما يصدك
أنت تقرأ
غضب الشاهين
Romanceتحكم عليهم العادات والتقاليد لتحطم أحلامهم شاهين :يتزوج بنت عمه بالاتفاق معها ليحصل على حبيبته، سيكون زواجهم بالاجبار والاتفاق دون علم احد، كيف يجبرها على الموافقه منه؟ هل سينتهي هذا الاتفاق؟ وهل سيحصل شاهين على حبيبته؟ للحكاية بقية ♥️🤌
