غضب الشاهين

Part 23

‏ فِي طرُق الظَلام كُنتِ النُّور .

.

مها؛
صباحية عرسي
كعدت صبح على صوت شاهين يكعدني
مها:صباح الخير

شاهين:صباح النور يلع كعدني بدلي وغسلي حتى ننزل نتريك

مها:هاا بيش الساعه

شاهين:ب٨

مها:إذا تريد انزل قبلي خاف اتأخر

شاهين:مايصير لازم ننزل سوه بصباحية عرسنا
مها:زين مو الاعرفه يجيبون الريوك لغرفتنا

شاهين:اي اجت امي  رادت تجيبه وتشوفونه كاعدين لو لا وما خليتها ننزل احسن يله بساعج استعجلي منتظرين..

مها؛
ع سريع غسلت وصليت وبدلت لبست قفطان مغربي لونه أبيض اجه فيت عليه
يله خلصت
شاهين:اسمعي مها بيناتنه شي وكدام الناس شي ثاني فأي تصرف يصدر مني لا تنصدمين
وهسه انطيني ايدج
لزم ايدي وكال
تصرفي طبيعي الأمور كلها تماام ان شاء الله
مها:أن شاء الله
جرني من ايدي وفتح الباب ونزلنا سوه اول ما نزلنا ضلن يهلهلن عمتي والبنات وامي ومنار يباوعلي عيونهن مدمعه

وصنا لجوه كلها تباوسنه تتبارك النه هو حط ايده على متني وحاوطني مشينا للصاله وجابتلنه عمتي ريوك كعدنا ناكل
ضل يسويلي لفات ويوكلني كدامهم خجلني حييل خزرته حتى يبطل يجيب ويعبي بحلكي اختنكت اله شويه وهو غمزلي ويضحك
خلصنا اكل ردت اشيل الصينيه ما خلتني عمتي اجت نور شالتها من كدامنه غسلنا وهو طلع للمضيف لان ناس تجي تتباركله واني صعدت رتبت مكياجي ونزلت للصاله حت نسوان الي تجي تسلم عليه

منار:اكلج مها ليش ما تضلين بغرفتج وهنه يصعدلج ليش كلساع صاعده نازله..

مها:مايقبل شاهين كال لا تدخلين اي وحده للغرفه كال حتى قفل قفليها هاي الفتره..

منار:ليش
مها:والله مادري
اكلج هسه عوفي الغرفه عليج الله شلوني امس مكياجي وبدلتي صورتني.
منار:غير تخبلين حرفياً والله تجننين وهاج تلفون شوفي صورج

باوعت لصوري ماخذاتلي صور ومقاطع هواي حبيتهن كتلها تحولهن الي وراحت

اجت امي جايبتلي جنطتين بقية غراضي باقيات بالبيت
رادت تساعدني ما خليتها

َمها:لا يمه عوفيهن خليني ارتبهن على ايدي وانتي روحي تغدي

ام مهيمن:خوش يمه بس هاج شوفي هاي الجنطه كلها ملابس نوم
لبسي لزوجج ولا تستحين منه
هو سترة وغطاج وووووو

ضلت تقنع بيه البس منهن وتححي وتوصيني لان تعرف بيه أخجل
كتلها بكلبي
؛ الواه لو الموضوع بس ع الخجل ينحل

بقيت صافنه واشرلها براسي طلعت سديت الباب وراها
شلت الجنطه وركعتها بالكاع
وي حركتي دخل شاهين وضل صافن
تلبكت ماعرفت شسوي اجه يمي وشاف جنطه نكسرت ايدها