غضب الشاهين

Part 5

خايف ويتلفت منا ومنا ومتوتر، قبل لايجي احد مهووشه اريد اكلج شي

مها :اهوووو شتريد روح عني اريد أقره

شاكر:مها احبج

مها:للحظه بقيت صافنه بوجهه
شاكر اذا مو اخويه صديقي من الطفوله احنه سوه نلعب سوه ونقره سوه هو أكبر مني بسنتين رسب نفسه مرتين حتى يجي ويقره وياي

شاكر صديق طفولتي من دخلت للمتوسطه وكبرت شوي قل تواصلي وياه جان بابا يوصيني ويكلي ﻼا تلعبين وي الولد بس وي البنات، مستحيل اتخيل نفسي وياه مستحيل اشوفه زوجي تربيت وياه وصار حاله حال اخواني

كعد مقابيلي وكمل كلامه
شاكر:مهاا ﻼا تصفنين اني احبج واريدج الي
تذكريين تذكرين من جنتي بالسادس الابتدائي وكتلج احبج وانتي طردتيني وكتيلي حكول لأبوي عليك
عفتج براحتج وكلت زعطوطه من تكبر ارجع اصارحه

مها:انتبهت لازم ايدي انتفضت وكفت على حيلي ودفعته عني
:انت تعرف نفسك شنو جاي تحجي انت صاحي لو ﻼا اصلاً شلون تسمح لنفسك تحجي وياي هيجج انا ما شايفتك غير اخوي وصديقي

شاكر:مهاا ﻼا تخبليني شنو أخوج جاي اكلج اريد اتقدملج وجبت امي واجيتج اريد موافقتج اتمنى ما ترفضيني

مها:شاكر
تره اني وره ما اخلص امتحاناتي يعقدولي وي ابن عمي شاهين

شاكر:شنووو عقد شنو تخبلتي انتي
وي منو وي شااااهين الي مكضيها بغداد حتى اهله ما يكعد يمهم كم يوم ويطفر لبغداد

مها:انت تعرف كلش زين اني من صغري همّ طالبيني اله وأهلي موافقين هذا الكلام محسوم من زمان المفروض تعرف بهذا الشي وتفكر بي قبل ﻼا تجيني وتسمعني هذا الكلام الي ما اله معنى

بهتت ملامح وجهه انصدم ضل صافن بوجهي تقرب الي ولزمني من اكتافي عصرهن حيل وضل يحجي من بين أسنانه شكله صار يخوف

شاكر :اني مخليج بالي مو امس ولا القبله من سنين انتي بالي مستحيل اخليج تروحين لغيري لو اعرف انهبج لو اخلي طلقه بكلب شاهين النذل

مهاا: انعقد لساني ما كدرت انطق شي من الخوف ضليت ابجي مستمر يحجي ويهز بيه واني مثل الريشه اروح وارجع بيده

سمعت صوت وراه انصدمت شفت شاهين هو مو راح للدوام شرجعاه

شاهين:على منو النذل

بسرعه دفعني شاكر ع الارض ورجع لوره

شاكر يبلع بريكه انصدم من وجود شاهين هو اذا شاهين موجود ما يجينا لمن يصعد لدوامه يله نشوفه

شاكر :هااا شجابك هنا انت مو رحت للدوام

اجه شاهين بسرعه ولزمه من ياخته ورفعاه لفوك شاكر قصير وشويه اسمراني عكس شاهين طويل وضخم نوعاً ما