غضب الشاهين

Part 8

منار:تره اني سمعت شجنتو تحجون

باوعت عليه بدون اي ردت فعل وسكتت

منار:ماتحجين ليش موافقتي

مها:على شنو

منار:انو فتره ويطلكج

ضحكت بدون نفس

مها:هههه شبيج تسمعين من مكلوب

منار:اني سمعت تكليله وتطلكني

مها:اي وبعديين شصار

منار:شمدريني اجت امي وجرتني ماخلتني اسمع

مها:غلطانه ماكو هيج حجي وبعدين مو علمتج عيب تتسمعين على الناس ما تستحين

منار:شنو ما استحي غير انتي اختي اريد اعرف عليمن مستعجلين حتى ما شتريت فستان ولا راح تسوون حفله اريد اركص اغني افرح

مها:باجر روحي وياي واشتري ما ناسيتج

منار:اووووو يجوز ما يعجبني شيي

مها
خليت منار تحجي وماكو وما قابله بالوضع العينتين تريد تلبس وتركص ما هامها شي
عفتها تحجي وغمضت عيوني تعبت وطفت الكلوب وراحت تنام

صباحاً

مها..
كعدت صبح مالي خلك كلشي كليت ع الماشي وامي تصيح مستعجلين لان شاهين وعمتي منتظرين لحيت هواي على منار تجي وياي وما قبلت لان نايمه تنبل مال نوم اهم شي ما تكعد الصبح

منار:كتلج مااريد ﻼا تلحين خليني نايمه
مها:مو اريدج تشترين فستان على ذوقج مو البارحه كلتي اروح وياج
:اي انتي اشتريلي على ذوقج
:واذا ما عجباج ﻼا تضلين تنكين فوك راسي
:اي طفي الضوه وطلعي
عفته ورحت ابدل
لبست سوت مريح جوه العبايه وطلعت
اتمشه لبيت عمي لان امي راحت قبلي تنروح سوه
وسمعت هورن سياره درت وجهي وشفته شاهين
يأشرلي اجي رحتله

مها:صباح الخير
شاهين:صباح النور، ها كملتو
:اي هلرايحه لأمي اجتكم قبلي
باوع بوجهي وضل صافن
:حلوه عليج العبايه ﻼا تذبينها
انصدمت دنكت وابتسمت :ها اي شكراً
هالكلام هو كاعد بالسياره واني واكفه يمه فاصلنه الباب
درت وجهي دااروح ورجعتله احجي وياه ومدنكه توترت وكوه حجيت واني اغص بالكلمه
مها:شاهين اذا عندك شغل ﻼا تكلف نفسك وتجي ويانه لو مخلي ايمن لو واحد من الولد ياخذونه بالنهايه هذا كله شي عادي اصلاً حتى روحت السوك ماالها داعي

عكد حاجبه وكال
شاهين:ﻼا تفكرين زياده عن اللزوم واني اعرف اللازم يصير روحي صيحيهن وتعاي

تفشلت منه ورحت لامي وعمتي اصيحهن ولحيت على نور هوواي تجي وياي وما اجت

رحت اختار فستان عجبني واحد طويل لونه احمر على ذهبي بي كلوشه من جوه ومن فوك مخصر
بي فتحه من الصدر واردانات اطوال وبيهن فيكه حلوه  
خذيت رأيي امي وعمتي وعجبهن
وحرجتني عمتي من صاحت شاهين تسأله حلو لو ﻼا