غضب الشاهين

Part 31

هلولو قلبياتي
اسفه ع تأخير😁😘
.................................................................

(وما كان الله معذبهم وهم يستغفرون)
...........

💓💓💓💓💓💓💓💓

شاهين :شدعوه هالبرود العندج تره انا زوجج

مها :لا مو زوجي.....

خزرني وطلع وركع الباب وراه شكد حاولت ما انقهر وما ابجي بس للأسف متت قهر جنت تعبانه اليوم فنمت بسااع
...
نور:
كاعدين كلنا بالصاله ابوي والولد وأفراح وكلنا مجتمعين نسولف ونضحك فجأه اجه شاهين كعد يمنا وعن غير عادته ساكت

أبو شاهين :ها بويه شخبارك

شاهين :الحمدلله

ام شاهين :شبيك يمه خو ما صاير وياك شي

شاهين جان مدنك وشابك أصابع ايديه ويهز برجله متوتر رفع راسه لأمي

شاهين :بصراحه اريد اكللكم بشي واتمنى توكفون ويااي ولا تصيرون ضدي لان البيه مكفيني

الكل سكت امي راحت كعدت يم شاهين بس تريد تفهم السالفه

ام شاهين :احجي يمه شصابك

شاهين:يمه انا ابوي يعرف بيه شلون صار زواجي من مها قبل لا أوافق وجنت رافض لان ما شفتها مره الي وما ردت اضلمها وياي

سكت شويه قطع كلامه

ام شاهين :احجي يمه مو وكفت كلبي

شاهين :يمه انا متزوج من زمان وابوي يعرف بهذا الشي وبخصوص مها كالي من تتزوجها يله أوافق على زواجك من البغداديه وزوجتي حالياً حامل وأريد اجيبها
هنا

حجاها دفعه وحده بحيث صدمه وره صدمه بدقيقه وحده الكل سكت وبس صافنين ما مستوعبين الي صار

كامت امي وعاطت بي

ام شاهين :انت شجاي تحجي مستوعب الي جاي تكوله لو لاا شنو متزوج شنو حامل شنو ابوك يدري

شاهين :يمه هاي الحقيقه بنيه جنت رايدها من زمان وساررت نديم عليها وعلى أساس نخطبها وابوي رفض كله علمود مها اله اتزوجها جبت مها وتزوجتها وخليتها بغرفتي وهسه اريد البنيه تزوجتها وهسه حامل بأبني خو ما اخليها هناك وحدها

ابو شاهين :لا يا ناقص انا زوجتك من مها كلت بلكي ينسى هذيج البغداديه ويعوفها تالي ما تالي طلعت تلعب وراي ومتزوجها

نديم:انا صح اعرف بيك تريدها ومن بدايه وجنت مستعد اروح وياك اخطبها الك بس بعد هاي فعلتك خربت كلشي ضيعت حقك من ايدك

شاهين :ما سويت شي حرام بشرع الله ومره اريد اخليها بيتي وتحت عيني

ابو شاهين :روح الها ما الها دخله لبيتنا انت اكعد عدها بنت غريبه وقبل لا نشوفها ما نريد وجودها بيناتنه