غضب الشاهين

Part 7

منار :ابوي جوه يصيحج يكول شاهين يريد يحجي وياها

مها:شنوو شاهين شيريد مااكوم كليلهم نايمه

منار:ماكدر اجذب لان هو من سأل عليج امي كالتله توه كعدت ودتني اصيحج هي وابوي، نزلي يله حروح اني اسويله جاي راد مني

مها:ﻼا والله ويشرط بعد

راحت منار وبقيت اني محتاره انزل لو ﻼا
شيريد مني
لبست حجابي وجنت لابسه ثوب بيجي لوني المفضل حلو ومرتب ونزلت ماخليت  ولا سويت شي لوجهي

لاكتني منار كالتلي دخلي جوه بس هو وأمي

سلمت بدون ما ارفع راسي وكعدت على القنفه مقابيله يم امي

ام مهيمن :يله يمه هاي بنت عمك واحجي وياها اتفقوا وردولنه خبر

تفاجأة من امي خلتنه وحدنه وراحت ﻼا وبعد سدت باب الصاله،

بقيت ساكته ومستحيه رفعت راسي شفته يبرم بشواربه ومصغر عيونه ومركز بيه
احس جمدت فوك ما اني جامده كلت بكلبي شبي هذا
بقينه على هذا لحاله لمدة دقائق كسر الصمت وكال

شاهين:شلونج بت عمي
كلت بأستعجال
مها:الحمد لله الله يسلمك زينه الحمدلله

شاهين:ههههه عساج دوم شبيج ترجفين

بلعت ريكي بفشله
مها:ﻼا ما مستعجله

تحمحم وعدل كعدته وحجه بجديه

شاهين :كالولج على خبر العقد موو

مها:اي بس ليش مستعجل وما تقبل نأجل

شاهين :خير البر عاجله

رفعت راسي اله وحجيت بجديه
مها:شنو الخلاك تغير رأيك قبل فتره انت ما تقبل وتعاركت انت وعمي حت طلعت من البيت بخصوصي

خزرني
شاهين :هذا الشي بيني وبين ابوي اعتبرها مشكله وانحلت

مها:عداوتك انت وشاكر حلوها بعيد عندي اني ماالي علاقه ﻼا تخرب حياتي

شاهين _شنو بيها حياتج وما اعتقد زواجنا راح يوكف حياتج

مها:شنوو يا زواج بعد احنه اتفقنه بس عقد، واني عندي دراسه ﻼا تأثر عليه

شاهين  :سمعيني زين احنه اول وتالي راح نتزوج وانتي تعرفين بهذا الشي بعد شنو لزوم لهذا الحجي

مها:دمعت عيني وضجت حيلل كتله:
شاهين اني ماريدك تره اعرف بيك تحب وحده ورايدها ولا راغبني، بس اريد اعرف بشنو راح افيدك

ابتسم ابتسامه جانبيه وصفن بوجهي

شاهين :حلوو يبنت العم مدامج تعرفين بهذا الشي راح تسهلين عليه هواي أمور فخلينه نتفق وهذا الشي يضل بيناتنه متأكد مدام هذا كلامج راح تقبلين بي

:شنو يا اتفاق

:ركزي ويايه زين بس اريد اسألج كم سؤال وبعدين نتفق