غضب الشاهين

Part 19

"وَعَسَى أَن تَكْرَهُوا شَيْئًا وَهُوَ خَيْرٌ لَّكُمْ وَعَسَى أَن تُحِبُّوا شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لَا تَعْلَمُونَ"

........................................................................

تصنمت بمكاني مهيمن كدامي جر تلفون مني وسوالي حركه بمعنى اشششش 🤫اسكتي

فتح الحاكيه وسمع صوته بساع غلقاه بوجهه
عيونه تلهب تقرب ولزمني من فكي

مهيمن :منو هذا

ساكته بس دموعي تنزل

مهيمن:احجي لا والخلق القرءان ادفنج هنا

اسماء:والله ماادري هو ماعرف

اريد ارتبلي جمله واحجيها ماكو مااكدر اختنكت
ضربني راجدي احس فقدت توازني وطحت ع الارض

مهيمن:هاي اخر فرصه الج تحجين لو هسه اخذج الشاهين وهو يتصرف وياج

اسماء:لا عليك الله لا والله يذبحني اني غلطت واعتذر لا تكول لاحد والله راح احظره ومااحجي بعد وياه بس لا تكول لاحد

مهيمن :من خوفي و ترددي لا يروح ويكول لاخواني سولفت كلشيء من البدايه لحد هذا اليوم من كال اتصلي عليه
بقت شغله وحده ما حجيتها من مقتدى كالي اطلعي وياي

باوعلي بنظره ماعرفت افسرها شنو هي

مهيمن :رمز تلفونج
اسماء:هاا
صيح عليه انطيتي الرمز بساع

اسماء:علكيفك لا تصيح لا أحد يسمع فدوه

تقرب مني ظل يضرب  باصابعه على راسي ضربات خفيفه كز على سنونه ويصيح عليه انطيني الرمز انطيني الرمز  ردي الي

ما اعرف شلون  رديته ونطقت جان مواليدي وكتبه

تصفح بالجهاز ما عندي بس واتساب فتح المحادثات وقراهن كلهن اخر مره تواصلنا بيها لحد هذا اليوم اخر شيء من كال لي اتصلي عليه

وجهه صار احمر ظل يحجي ويغلط

مهيمن: وين اهلج وين اهلج عنج وينهم عنج اخواتج اخوانج صوجهم متيهينج تلعبين وحدج

موقف ما اتمنى العدوي تاذيت كلش هواي اريد احجي ما اكدر بس ابجي وانهاريت بشكل مو طبيعي اريد احد يمي استنجد ماكو

تمنيت الكاع تنشك وتبلعني لو الله ياخذ عمري على هذا الموقف الي نحطيت بي

كاعده بمكاني وبس دموعي تجري حتى صوتي انكتم وما تحركت ولا حجيت هو يفتر يم راسي ويدخن وتلفوني بايده اتصفح بيه كله اخذ كل المعلومات ويسالني واجاوب من هو وشلون عرفتي حقق وياي تحقيق كامل

تقرب مني وكعد مقابيلي
مهيمن :اسمعيني زين وانتبهي  لكلامي وطبقي بالحرف
اول شي هذا واحد يضحك عليج ولاعب على بنات هوايه قبلج ومستمر وياج علمود غايه وجاي يستغلج لا اكثر ولا اقل