دائماً لمن يصير شي جديد بحياتنا
يجتاحنا شعور غريب احساس مختلف
يا اما يكون حلو او موحلو
كل تفكيرنا يتغير
حدث جديد أو ناس جُدد بيئه مُختلفه مرحله جديده
الإنسان مُعرض لكلشي كل المواقف راح تَمر بحياته وهو راح يكون سيد الموقف
مثل الاختبار الك يا اما تجتازه بجداره ويكون فوز الك يا اما توكع بي وتكون ضحيه للموقف وحيكون درس الك وعبره طول حياتك ماراح تنساه
..
بـ قلمي✍️
الكاتبه جمره الجبوري "فاطـمة"
.
.
.
........................................................................
اسماء؛
راحت ضحى وبقيت بمكاني صافنه حايره بزماني مااعرف شنو اتصرف طلعت امشي بالساحه والممرات وكل بالي وتفكيري مشغول اول مره انحط بهيج موقف ولازم اختاار اكمل وي هذا الشخص او لا
اجتني حوراء
حوراء:وين رحتي صار ساعه ادور لج ماكو مرن درسين ما دخلتي وين خذتج هاي البت شسوتلج
بقيت ساكته احجيلها لو لا تذكرت كلام ضحى
وحتى لو كلت الحوراء اعرف ردت فعلها وراح ترزلني
حوراء:ماتحجين شبيج
اسماء:مابيه شي
حوراء:شنو مابيج شوف حتى لون وجهج ومخطوف، وين راحت هاي دليني بيها كم مره كتلج ابتعدي عنها سوالفها كلها مكسره
اسماء:اكلج كافي بشنو مأذيتج البنيه تحجين عليها اربعه وعشرين ساعه
بقت صافنه بوجهي انصدمت مني
اسماء:ها ماتحجين بشنو مأذيتج شو سكتي..
حوراء:والله مبين غاسله دماغج غسل
عفتها ورحت جبت جنطتي نطلع للبيت
طلعت وكفت بالباب وهي راحت تجيب جنطتها
بقيت ادوره بالوجوه ما لكيته
كل مره أشوفه واكف يم السوبر ماركت لو كاعده بفد مكان قريب على المدرسه ماكو مختفي
اجتني حوراء باوعتلي صفح َطلعت كدامي زعلانه مني رحت وراها بقينه نمشي طريق كله ساكتين
كل شوي اتلفت لوراي تعودت عليه كل يوم يمشي ورانا يوصلنا للبيت يله يرجع اليوم ماكو اختفى
حسيت نفسي ضجت ماعرف شنو شعوري
بس انا مو هذا الاريده جنت اريده يبتعد عني ومن ابتعد ضجت
كسر الصمت والضجه الي بداخلي صوت حوراء
حوراء:حتى ما كلفتي نفسج تعتذرين مني
اسماء:على شنو
حوراء:عشرت عمر اني ويااج واجت هاي الي ما تتسمى بأقل من شهر غيرتج عليه وصرتي تعاركيني علمودها
اسماء:اووو حوري لا تتحسسين مني اني ضايجه وتعرفين من شنو هي ترن براسي وانتي تجين تتعاركين تحجين عليها
ودخت مااعرف شسوي
حوراء:تره كلش واضحه انتي مو زغيره بس مااعرف ليش جاي تنطينها مجال واخاف تسويلج سالفه
دنكت راسي اباوع للطريق احسه صار شطوله تنهدت وسكتت
وصلت قريب بيت حوراء وكفت ولزمت ايدي وكالت
أنت تقرأ
غضب الشاهين
Romanceتحكم عليهم العادات والتقاليد لتحطم أحلامهم شاهين :يتزوج بنت عمه بالاتفاق معها ليحصل على حبيبته، سيكون زواجهم بالاجبار والاتفاق دون علم احد، كيف يجبرها على الموافقه منه؟ هل سينتهي هذا الاتفاق؟ وهل سيحصل شاهين على حبيبته؟ للحكاية بقية ♥️🤌
