غضب الشاهين

Part 6

شاهين:
اني الاريده هسه اجيب شيخ وخليها للعصر لليل منا لمن تصحه أعقد عليها بوجودكم واني باجر اطلع للدوام بس خليها بذمتي والباقي عليه

نور..
بعد ما سمعو كلام شاهين الكل أيده ومحد عارض
حتى عمي وولده وافقو لان بالأصل همه من زمان متفقين على زواج مها وشاهين

راح عمي وخذه ولده وياه يشوفون مهاا
صعد شاهين لغرفته شوي ونزل ابوي ونديم يحجون بالموضوع وشلون شاهين وافق ومن كيفه راح يعقد على مها بدون ضغط

جاسب :ها بويه تعال فهمني شلون تريد تعقد على بنت عمك وبأصرار حتى ما انطيتنه مجال نرفض وامس عوزي ما ابوس ايدك واعارك واهدد بيك وانت موش راضي تعقد شغيرك

شاهين :هذا شاكر واحد نذل ومتورط بشغله اكبر منه من زمان اني عيني عليه واليوم صارت الشغله وعرفت شلون راح اوكفه عند حده

جاسب :شنوو شمسوي هو، كلي عليه كليوم طاب طالع هنا يم بيت عمك بشنو مورط روحه

شاهين :بويه عندي شغل هسه أكمله خلي أعقد على مها وبعدين تعرف ويجيك الصافي

جاسب:شاهين

نديم :عوفه بويه  ما يسوي شي عبث تعرفه وشاكر الله اعلم شنو مسوي مدام شاهين خلاه براسه أقره السلام عليه بعد

نور:
رحنا اني وامي والبنات لبيت عمي نشوف مها
لكيناها نايمه ويمها منار وعمتي تقره يمها قرءان

نزلنه جوه خلينه مها  خطيه نايمه وبقت منار يمها اخاف تكعد حتى تشوفها

ام شاهين:يمه اسماء روحي جيبيلي مااي فحطت حتى ريكي يبس

راحت اسماء وبلشت امي  تحجي وي عمتي وسولفتلها كلشي وعن كلام شاهين وانو منتظرين
مها تصحى وتصير زينه ونفاتحها بالموضوع

ام مهيمن:يا خيه جا ما اكيف هو احنه منتظرين هذا اليوم من زمان بس ما ردنا هيج وسكته ومحد يعرف

هم خطيه اريد اطلعها واشتريلها خو ما تضل بنفسها وهي كم مره وحده بالعمر وأريد افرح بنتي بس مو هيج

ام شاهين:اني وياج وحقج بس اسمعي كلامي خلي نعقد الهم اليوم اذا كلش أجلها لباجر وبرجعت شاهين ثانيه انسويلها احلى حفله وهاي كلمه واخذها مني ومها هم احسبها من بناتي

نور:اتفقن امي وعمتي على كلشي بقت بس مها لازم نقنعها
انتبهت على أسماء تأخرت وامي ودتني وراهاا
رحت للمطبخ ما لكيتها ناديت بأسمها هم ماكو

كلت اكيد صعدت يم منار تشوف مها
صعدت وقبل ﻼا اوصل لغرفة مها

سمعت صوت جاي من غرفة مهيمن تقربت وجان اسمع صوت اسماء..
انصدمت وتقربت اكثر

اسماء:مهيمن اترجاك خلي اطلع

مهيمن:ما تطلعين لمن تنطيني موافقه لو ﻼا