غضب الشاهين

Part 21

اللهم فلسطين واهلها.
اللهم ارحمهم في الدنيا والاخره.
اللهم انزل السكينه والإطمئنان على قلوبهم
اللهم ابعد عنهم مكر اسـ رائيل
قلوبنا معكم😔💔🙏
........................................................................
من بعد كل اللي صار الحادثه كلها بقيت بغرفه شاهين ما نزل الجو ما بيه حيل ولا اقدر انزل وتعبانه ومريضه فتره ارتفعت حرارتي منار من اجت من الدوام انصدمت من الي صاار وضلت تلوم بنفسها لان عرفت غلطها وبقت يم  البنات شاهين ورا الحادثه بيوم ويومين طلع للدوام وصار له اسبوع ما راجع خابرت على اهلي ان شاء الله هاي الايام وراجعين
بداو بيت عمي يرممون البيت ويكملونه من كل حوائجه ما متضرر مثل ما قال شاهين بس المطبخ الصاله شويه

من بعد الحادثه صار عندي مثل الاختناق كل ما اتعب او اتنفس شويه تراب اختنق واتاذى حيل

كل هاي الفتره بقينا بيت عمي كاعدين اني ومنار اني  نايمه بغرفة شاهين  وحسيت احد يمي رفعت راسي وشفته شاهين

مها:بصدمه شاهين

ابتسم وتقرب مني

شاهين: ها شلون صرتي شخبارج

تلبكت حيل ما عرفت شنو اكول

مها: الحمد لله زينه

اريد اكوم واطلع من الغرفه حتى ياخذ راحته يبدل لان توه جاي من الداوم مبين من ملابسه مال طلعه  انتبهت لنفسي ملابسي ما تنفع اكوم كدامه بيهن غطيت نفسي وكتله..

مها:بس من رخصتك اطلع شويه خلي ابدل واطلع عنك حتى تاخذ راحتك..

شاهين:ههههه تره غرفتي هاي شو جاي تطرديني

مها:لا لا مو هيجي قصدي والله بس..

اجه كعد يمي ع الجربايه واني متلفلفه بالبطانيه مد ايده وخر البطانيه عن شعري

شاهين:تره هسه احنا بحسبت متزوجين حاجز الخجل هذا شيلي لا تستحين مني،مفهوم

بقيت ساكته مرر ايده على وجهي وهمس بصوت ناصي وابتسامه على طرف شفته

شاهين :مفهوم!

اشرتله براسي اي احس اجتني البرده جسمي كله ضل يرجف

كام من مكانه وكال

شاهين:ابقي مكانج ورجعي نامي واني من زمان هنا سبحت وبدلت وهالطالع

مها:بصدمة شنووو

شاهين :ههههه

ضحك وطلع
بقيت بصدمتي معقوله بساع كمت بدلت وردت اطلع لكيت اخوال بيت عمي موجودين وولدهم جوه بقيت بالباب واجتني نور كالت

نور:شاهين يكول لا تنزل

مها:ليش

نور:مو ولد اخوالي هنا حتى منار بقت بالغرفه بس كالي انطي علم لمها لا تنزل