مها:
راحت امي لبيت عمي واني كملت صلاه واكل ورتبت المطبخ والبيت لبست ورحت شفت ناس كلش هواي وباب الجبير مفتوح على كبره وزلم هوواي وهوسه صايره دنكت ورحت امشي سريع حت ﻼا يشوفوني واحد من اخواني لو ولد عمي يغسلون غسل بالزراله
دخلت للمطبخ وشفتهم مخبوصين ويشتغلون وهاي التسوي جاي وهاي التحضر ماي وعصاير ووووو تلكتني بنت عمي وجرتني
نور:تعالي فوك يله جهزي نفسج ولبسي ليش لسى بعدج
مها:شمدريني عبالي بعد وكت، وين كاعدات البنات اروح اجهز يمهن
نور :بغرفة نديم هسه يجي يلعب لعب بس يشوفهن مخربطات بغرفه
مها:دخلي نروح ع اقل رزاله جماعيه،
رحنه للغرفه ماكو محط رجل مشالله هنه هواي نسوان ولد عمي وبناتهن وبنات أعمامي اوووو هوسه ولا كدرنا ندخل ابد
برطمت وضجت تعالي نور بقيت بس اني
نور:تعاي يالفاهيه جا وين جنتي من زمان من نحظر وانتي بعدج،
مها:جا شلون هسه اريد ابدل اسوي
نور:تعاي لغرفة شاهين ماموجود توه نزل ما يصعد بعد
مها :خاف مايقبل
نور:معليج بدلي بساع ﻼا تنامين وطلعي ومكياج خلي بسيط هم ﻼا تكثرين تدرين بيهم ما يقبلون
مها:اوك يله نروح، طلعت كدامي وفتحت الباب دخلت ونبهت عليه
نور:اقفلي الباب واي وحده تجي ﻼا تفتحين ولا تحجين هاج المفتاح يله اروح اساعد بالتوزيعات
طلعت نور وبقيت بس اني شفت الغرفه اول مره ادخل الها دائما كل ما اجي لبيت عمي ما اصعد فوك لغرف الولد استحي منهم وهم احسهم ما يقبلون
مرتبه وشكلها بسيط اخشاب كامله لونها رصاصي اوف وايت
طلعت لبستي عندي فستان لونه زيتوني غامق طويل رداناته طوال بي فتحه من الصدر وفتحه ع طول الرجل ومخصر ع جسم اني طويله فأجله ملائم ويايه
لبست ورتبت خليت مكياج ماكثرت لان بشرتي بيضه بس طوخت الحمره
دقائق واندك الباب سكتت بالبدايه بعدين طلعت نور وفتحته الها
مها:هاا شو رجعتي
نور:اللهم صل كلش حلوه طالعه،
مها :حبيبتي عيونج الحلوه
نور:واجيت اخذ موبايلي هنا عفته، يله بساع تعاي وراي
مها:اي شوي الملم الأغراض واجي
طلعت نور واني اكول اكيد دتجاملني حت متكسر بخاطري مو صدك .
كانت اكو مرايه طويله وكفة كدامها واني مركزه على نفسي اشوف نفسي حلوه ومرتبه
لعد ليش ماعندي ثقه بنفسي؟ ليش ماحب شكلي؟ ليش اتحسس بساع؟
بقيت احجي بيني وبين نفسي وادعي الله انو ما ينكسر واهسي لو اشوف نظرات مو حلوه تجاهي
مها انتي حلوه وما ناقصج شي، اذا سمعتي كلام او انتقاد ﻼا تضوجين هذول يغارون يضوجون احاول اقنع نفسي حتا ما انهز من اول كلمه لو نظره
بين ما اني صافنه ودايره وجهي طردت الأفكار السلبيه من راسي وحاولت انسى
وكعدت ارتب بالغرفه لان سويتها هوسه بغراضي
وما اسمع اله انفتح الباب عبالي نور وبقيت مدنكه
..
رفعت راسي وشفته لابس دشداشه هو هذا الشخص نفسه الي من ولادتي ربطوني بي وحجزوني اله من احنه زغار ﻼا هو يريدني ولا اني اريده وكفت بساع ورجعت للخلف بساع دار وجهه عني واني تلبكت ادور بعيوني ع حجابي وصايتي شفتهن على الكرسي يم الباب بأتجاهه، اخذ الصايه والحجاب وكطفهن عليه وحجه
أنت تقرأ
غضب الشاهين
عاطفيةتحكم عليهم العادات والتقاليد لتحطم أحلامهم شاهين :يتزوج بنت عمه بالاتفاق معها ليحصل على حبيبته، سيكون زواجهم بالاجبار والاتفاق دون علم احد، كيف يجبرها على الموافقه منه؟ هل سينتهي هذا الاتفاق؟ وهل سيحصل شاهين على حبيبته؟ للحكاية بقية ♥️🤌
