هلو حبيبيني رمضان كريم 🥹💖❤️
جداً جداً اسفه
اعرف الأسف ماراح يفيد بشي
بس خلي اكلكم تلفوني نكسر والايميل ما حافظته لمن صلحته يله رجع وشسمه صح ما بلغتكم لان كلت اكمل كتابه ومن انزله اكللهم
والله بنات حقكم شما كلتو الي راسلتوني والي كتبت بالتعليقات
هاي مره ثانيه اني جداً اعتذر
احبكم هوواي والله ❤️❤️❤️❤️❤️❤️
هااا وخبر حلوو بعد بارت واحد ونختم القصه😉✌️✌️
................................................................
قراءه ممتعه كلبي💋💋🦋
مها
بقيت يم اهلي اربع ايام شاهين رجع وطول فترة غيابه يتصل ويراسل واني مره اجاوب ومره لا خامس يوم جنه كاعدين بالحديقه اني وامي والبنات شوي سمعت صوت الباب طلعت امي
ام مهيمن :تفضل يمه محد بس البنات
دخل شاهين
منال راحت لان بدون حجاب وأسماء بقت كاعده
ردت اروح وجرتني اسماء كعدتني بقيت بمكاني؛
كعد شاهين يمي بقو يسولفون هو وأمي وأسماء واني ساكته
ام مهيمن :شنو يمه شوكت اجيت
شاهين :من امس اني هنا..
اسماء:ياا صدك ولا ندري، جا مها ليش ما كلتي
مها :هاا
شاهين :ما تدري بيه اجيت بدون علم احد
باوعتله ودنكت وهو يسولف وانظاره عليه
اسماء :تعذرني خويه مادري بيك جاايي ولان مها هنا كلت اكيد بعده ما جااي
شاهين :لا عاادي هو اني اجيت افاجئكم
ام مهيمن؛ كلا الهلا بيك يمه
بقو يتناقشون ويحجون مواضيع ع دوام وع البيت
اسماء عافتنا ودخلت وراها امي هم راحت للبيت بقيت كاعده بس اني وياه كاعدين بالحديقه جر المخده من يمي تمدد واتكئ على المخاد
سويت نفسي مشغوله وكعدت اتصفح بتلفوني، وهو كالعاده يدخن وصافن عليه
لمن كسر الصمت وحجه
شاهين:اي عيني شلونج
بدون ما اباوع له جاوبت
مها :الله يسلمك، الحمدلله
شاهين :هممم مو تدرين بيه اجيت ليش ما رجعتي للبيت واني موصيج..
رفعت عيني اله
مها:مادري نسيت
ورجعت اتصفح
شاهين:اكو وحده تنسه زوجها
مها:هممم
ما حسيت اله نجر التلفون مني بدون ميحجي شي بقه يتصفح بي
جنت داخله على الانستكرام حاولت اشوفه شيسوي وخر عني وبقه مدري شيسوي
بقيت ساكته كلشي ما حجيت خلص طفه جهاز وخلاه يمه
أنت تقرأ
غضب الشاهين
Romanceتحكم عليهم العادات والتقاليد لتحطم أحلامهم شاهين :يتزوج بنت عمه بالاتفاق معها ليحصل على حبيبته، سيكون زواجهم بالاجبار والاتفاق دون علم احد، كيف يجبرها على الموافقه منه؟ هل سينتهي هذا الاتفاق؟ وهل سيحصل شاهين على حبيبته؟ للحكاية بقية ♥️🤌
